News Flash

“महाराष्ट्र भाजपाने फक्त एवढंच स्पष्ट करावं की….”, संजय राऊतांचा देवेंद्र फडणवीसांवर पलटवार

बेळगावामध्ये संजय राऊतांच्या अहंकाराचा पराभव झाल्याचे देवेंद्र फडणवीस म्हणाले होते

Sanjay Raut criticizes Devendra Fadnavis
शिवसेना खासदार संजय राऊत आणि भाजपामध्ये शाब्दीक युद्ध रंगल आहे

कर्नाटकासह संपूर्ण महाराष्ट्राचे लक्ष वेधून राहिलेल्या बेळगाव महानगरपालिकेच्या निवडणुकीत भाजपाला स्पष्ट बहुमत मिळालं. भाजपाने या निवडणुकीत अतिशय ताकदीने आणि जोरदार प्रचार केला होता. ५८ प्रभागांच्या बेळगाव महापालिकेसाठी ३८५ उमेदवार रिंगणात उभे होते. दुसरीकडे बेळगाव महापालिकेवर महाराष्ट्र एकीकरण समितीचा भगवा फडकविण्याचं संजय राऊत यांनी बोलून दाखवलेलं स्वप्न मात्र भंगलं आहे. त्यामुळे राज्यात शिवसेना खासदार संजय राऊत आणि भाजपामध्ये शाब्दीक युद्ध रंगल आहे.

दरम्यान, आज मुंबईत प्रसारमाध्यमांशी बोलतांना देवेंद्र फडणवीस यांनी शिवसेना खासदार संजय राऊत यांच्यावर टीका केली. “बेळगावमध्ये मराठी माणसाचा पराभव झालेला नाही. मराठी माणूस पराभूत होऊच शकत नाही. बेळगावामध्ये संजय राऊतांच्या अहंकाराचा पराभव झाला आहे. भाजपाच्या निवडून आलेल्या नगरसेवकांमध्ये १५ पेक्षा जास्त मराठी लोक आहेत. त्यामुळे मराठी माणसाचा आणि एखाद्या पक्षाचा पराभव यामध्ये फरक आहे. कारण मराठी माणसाचा पराभव होऊच शकत नाही,” असं सांगत फडणवीस म्हणाले.

भाजपाने फालतू गप्पा मारू नये

देवेंद्र फडणवीसांच्या टीकेवर संजय राऊत यांनी जोरदार पलटवार केला आहे. संजय राऊत म्हणाले, “महाराष्ट्र भाजपाने फालतू गप्पा मारू नयेत. बेळगाव महाराष्ट्राचेचं आहे की नाही, एवढेच त्यांनी आज स्पष्ट करावे. कुणाचा काय अहंकार आहे, हे नंतर बघू. मराठी एकजुटीचा बेळगावात विजय झालाच पाहिजे, असे बोलणे हा अहंकार की मराठी अस्मिता, हे ११ कोटी मराठी जनतेलाच ठरवू द्या,”

हेही वाचा – मराठी माणूस पराभूत होऊच शकत नाही, हा संजय राऊतांच्या अहंकाराचा पराभव; फडणवीस संतापले

अहंकार बाजुला ठेवुन हे एवढे कराच

यावेळी संजय राऊत यांनी महाराष्ट्र भाजपाकडून दोन अपेक्षा व्यक्ता केल्या आहेत. यामध्ये पहिली बेळगावातील विजयी मराठी उमेदवारांना मुंबईतील हुतात्मा स्मारका समोर डोके टेकून महाराष्ट्र अस्मितेची शपथ घ्यायला लावा, तर दुसरी बेळगाव पालिका महाराष्ट्रात विलीन होण्याबाबत दोन ओळींचा ठराव मंजूर करा, हे मंजूर आहे का? अहंकार बाजुला ठेवुन हे एवढे कराचं!, असे आवाहन संजय राऊत यांनी भाजपाला दिले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 8, 2021 6:07 pm

Web Title: sanjay raut criticizes devendra fadnavis election of belgaum municipal corporation bjp win srk 94
Next Stories
1 पिण्याचे पाणी हा मूलभूत अधिकार; स्वातंत्र्याच्या ७५ वर्षांनी पाण्यासाठी कोर्टात यावं लागणं दुर्दैवी: मुंबई हायकोर्ट
2 सुनेला मारहाण केली जात असल्याच्या आरोपांवर खासदार रामदास तडस यांचं स्पष्टीकरण; म्हणाले…
3 अनिल देशमुखांविरोधात कटकारस्थान झाल्याचा नवाब मलिकांचा आरोप; सांगितलं यामागचं कारण
Just Now!
X