25 November 2020

News Flash

राज ठाकरेंचा शिवसेनेला धक्का, सात शिवसैनिकांचा मनसेत प्रवेश

औरंगाबाद पालिका निवडणुकीत शिवसेनेला फटका बसण्याची शक्यता

सौजन्य - ट्विटर

औरंगाबादमध्ये मनसेने शिवसेनेला धक्का दिला आहे. औरंगाबादमधील सात निष्ठावंत शिवसेनैकांनी मनसेत प्रवेश केला आहे. मनसे अध्यक्ष राज ठाकरे यांच्या उपस्थितीत पुण्यात हा पक्षप्रवेश पार पडला. मनसेकडून ट्विट करत यासंबंधी माहिती देण्यात आली आहे. करोनाच्या पार्श्वभूमीवर निवडणुका पुढे ढकलल्या गेल्या असल्या तरी औरंगाबाद पालिका निवडणुकीत शिवसेनेला याचा फटका बसण्याची शक्यता वर्तवण्यात आली आहे.

मनसे अध्यक्ष राज ठाकरे, मनसे नेते अनिल शिदोरे आणि अभिजीत पानसे आणि संभाजीनगर जिल्हाध्यक्ष सुहास दशरथे यांच्या उपस्थितीत विविध संघटनांमधील प्रमुख कार्यकर्त्यांचा महाराष्ट्र नवनिर्माण सेनेत प्रवेश करण्यात आला अशी माहिती मनसेकडून ट्विट करत देण्यात आली आहे.

मनसेत प्रवेश करणाऱ्यांमध्ये उपशहर प्रमुख, जिल्हा संघटक अशी पदं भूषवलेल्यांचा समावेश आहे. यामध्ये काही माजी नगरसेवकही आहेत. शिवसेनेसाठी हा मोठा धक्का मानला जात आहे. या पक्षप्रवेशाने पालिका निवडणुकीत समीकरणे बदलण्याची शक्यता वर्तवली जात आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 31, 2020 9:02 pm

Web Title: shivsena supporters join mns in presence of raj thackeray sgy 87
Next Stories
1 वाई चे आमदार मकरंद पाटील करोना बाधीत
2 चंद्रपूर : ब्रम्हपूरी तालुक्याला पूराचा सर्वाधिक फटका
3 चंद्रपूर : जिल्ह्यात २४ तासात २०३ नवे करोनाबाधित रुग्ण
Just Now!
X