News Flash

श्रीनिवास पाटील यांना राज्यपालपदाची शपथ

राष्ट्रपती प्रणब मुखर्जी यांनी सिक्कीमचे राज्यपाल म्हणून श्रीनिवास पाटील यांची नियुक्ती केल्यानंतर सिक्कीमचे १७वे राज्यपाल म्हणून त्यांचा शपथविधी पार पडला.

| July 24, 2013 04:38 am

राष्ट्रपती प्रणब मुखर्जी यांनी सिक्कीमचे राज्यपाल म्हणून श्रीनिवास पाटील यांची नियुक्ती केल्यानंतर सिक्कीमचे १७वे राज्यपाल म्हणून त्यांचा शपथविधी पार पडला. सिक्कीम उच्च न्यायालयाचे मुख्य न्यायाधीश पी. कुरिकोझे यांनी त्यांना शपथ दिली. सिक्कीमच्या राजभवनामधील आशीर्वाद हॉलमध्ये हा कार्यक्रम दिमाखात पार पडला.
मुख्यमंत्री डॉ. पवन चामलिंग, केंद्रीय कृषी राज्यमंत्री तारिक अन्वर, सिक्कीमचे विधानसभा अध्यक्ष पी. बी. राय, उच्च न्यायालयाचे न्यायाधीश, मुख्य सचिव, पोलीस महासंचालक, शासकीय उच्चपदस्थ अधिकारी या वेळी उपस्थित होते. शपथविधीनंतर राज्याच्या परंपरेनुसार मुख्यमंत्री डॉ. चामलिंग, मुख्य न्यायाधीश कुरिकोझे यांनी राज्यपाल पाटील यांचा रेशमी शाल (खादा) देऊन सत्कार केला. राज्यपाल पाटील यांना राजभवनाच्या परिसरात गोरखा रेजिमेंट व इंडो तिबेट सीमा पोलिसांच्या जवानांनी सलामी व मानवंदना दिली. राष्ट्रगीताने कार्यक्रमाची सांगता झाली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 24, 2013 4:38 am

Web Title: srinivas dadasaheb patil sworn in as new sikkim governor
Next Stories
1 नाशिकच्या पर्यटकाचा ओढय़ात बुडून मृत्यू
2 ‘कोल्हाटय़ाचं पोर’वर बंदीची पुन्हा मागणी
3 अमेरिकेतील ‘इंडियन डे’ला अण्णा हजारे उपस्थित राहणार
Just Now!
X