21 September 2020

News Flash

महिलेच्या अंत्यविधीसाठी गेलेल्या तिघांचा बुडून मृत्यू

गावातील नागरिकांनी तलावात बुडालेल्या तिघांनाही बाहेर काढण्यासाठी प्रयत्न केले पण त्यांना यश आले नाही

प्रातिनिधिक छायाचित्र

नांदेडच्या मुखेड तालुक्यात एका महिलेच्या अंत्यविधीसाठी गेलेल्या तिघेजण आंघोळ करण्यासाठी तलावात उतरले. या तलावात या तिघांचाही बुडून मृत्यू झाला. शुक्रवारी संध्याकाळी पाच वाजण्याच्या सुमारास ही घटना घडली. गावकऱ्यांनी तिघांचेही मृतदेह बाहेर काढले आहेत. मुखेड तालुक्यातील जाब येथील अनुसया देवज्ञ या महिलेचा वृद्धापकाळाने मृत्यू झाला.

त्यांच्या अंत्यविधीसाठी मोठ्या प्रमाणावर नातलग आले होते, अंत्यविधी दुपारी दोन वाजता पार पडला. यानंतर अनेक पाहुणे आपापल्या गावी गेले. मात्र लक्ष्मण दिगंबर कोटकर (वय ३०) रा.होट्टल ता.देगलूर, विशाल निवृत्ती सावळकर (वय २५) राहणार आरळी ता.बिलोली, दत्ता विठ्ठल देवज्ञ (वय १८) राहणार जांब (बु.), मारुती देवज्ञ राहणार जांब (बु.) हे चौघे अंत्यविधी आटोपून गावालगत असलेल्या तलावात अंघोळीसाठी गेले असता मारुती देवज्ञ हे वर थांबले.

बाकी तिघे जण पाण्यात उतरले, बराच वेळ झाल्यानंतर ते वर न आल्याने मारुती देवज्ञ यांनी मदतीसाठी आरडाओरड केली. मात्र आजुबाजुला कोणी नसल्याने त्यांनी गावात जाऊन नागरिकांना ही बाब सांगितली. यानंतर गावातील नागरिकांनी तलावात बुडालेल्या तिघांचे मृतदेह बाहेर काढले. मृतदेह बाहेर काढण्यात पं.स.सदस्य मनोज गोंड, मनोहर मोरे, दत्ता पुंडे, संग्राम मोरे, बाळू मुजावर, अण्णाराव शिंदे, सोमनाथ फुलारी, मारुती कोरे, श्याम शिंदे, भानुदास गोंड ,सूर्यकांत मोरे आदींनी प्रयत्न केल्याचे सांगण्यात आले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 28, 2018 8:46 pm

Web Title: three men drowned in pond in mukhed nanded came for womans funeral
Next Stories
1 शरद पवारांनी नरेंद्र मोदींना क्लीनचीट दिलेली नाही – सुप्रिया सुळे
2 पुणे कालवा दुर्घटना : ‘दोषी अधिकाऱ्यांच्या निलंबनासह कंत्राटदारांना काळ्या यादीत टाका’
3 सुप्रीम कोर्टानं केलं आजोबांच्या पुरोगामी विचारांवर शिक्कामोर्तब – राज ठाकरे
Just Now!
X