News Flash

नाशिक जिल्ह्यत बलात्काराच्या दोन घटना

नांदगाव तालुक्यात विवाहितेच्या भोळसट स्वभावाचा गैरफायदा घेत तिच्यावर सामूहिक बलात्कार केल्याप्रकरणी आठ जणांविरोधात, तर सिन्नर तालुक्यात शाळकरी विद्यार्थिनीवर बलात्कार केल्याप्रकरणी एका संशयिताविरुद्ध गुन्हे दाखल करण्यात

| July 24, 2013 04:50 am

नांदगाव तालुक्यात विवाहितेच्या भोळसट स्वभावाचा गैरफायदा घेत तिच्यावर सामूहिक बलात्कार केल्याप्रकरणी आठ जणांविरोधात, तर सिन्नर तालुक्यात शाळकरी विद्यार्थिनीवर बलात्कार केल्याप्रकरणी एका संशयिताविरुद्ध गुन्हे दाखल करण्यात आले आहेत.
नांदगाव येथील घटनेत विवाहितेच्या भोळसटपणाचा संशयितांनी गैरफायदा घेतला. उषा मिसाळ व रत्ना हिरणवाळे यांनी विवाहितेच्या स्वभावाची माहिती नाना गंगाराम औशीकर यांना दिली. औशीकर याच्यासह भगवंत मोहन काटकर, सुखदेव रतन गायकवाड, भिका चिमण औशीकर, रवींद्र वाघ यांनी धमकावून विवाहितेवर बलात्कार केला. या प्रकरणी नांदगाव पोलीस ठाण्यात गुन्हा दाखल करून पोलिसांनी तातडीने सात संशयितांना अटक केली. एक जण अद्याप हाती लागू शकलेला नाही. अटक केलेल्या पाच  संशयितांना न्यायालयाने पोलीस कोठडी सुनावली, तर दोन महिला संशयितांची न्यायालयीन कोठडीत रवानगी करण्यात आली आहे. बलात्काराची दुसरी घटना सिन्नर तालुक्यात देशवंडी गावात घडली. जिल्हा परिषदेच्या शाळेत शिक्षण घेणारी अकरा वर्षीय मुलगी नैसर्गिक विधीसाठी सुळे वाडी येथे जात असताना दुचाकीवरून आलेल्या एकाने तिला निर्जन परिसरात नेले आणि तिच्यावर बलात्कार केला. हा परिसर सिन्नर औद्योगिक वसाहतीलगत असून संशयित एखाद्या कारखान्यात सुरक्षारक्षक असल्याचा तपास यंत्रणेचा अंदाज आहे. पीडित मुलीला काही छायाचित्रे दाखवून पोलिसांकडून संशयिताची ओळख पटविण्यात आल्याचे सूत्रांकडून सांगण्यात आले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 24, 2013 4:50 am

Web Title: two incident of rape cases in nashik
Next Stories
1 पूर्व विदर्भात अभियांत्रिकी अभ्यासक्रमाचे १० हजार विद्यार्थी गळाले
2 लाचप्रकरणी जिल्हाधिकाऱ्याच्या स्वीय सहाय्यकाला अटक
3 मद्य अनुज्ञप्तीभंगांचे गुन्हे पोलीस कारवाईच्या अखत्यारीतील नाहीत
Just Now!
X