कोल्ह्याने थांबवलं विमान!; कोकणातल्या नव्या चिपी विमानतळावरील चमत्कारिक प्रकार

मुंबईवरुन आलेलं विमान दहा मिनिटं चिपी विमानतळावर अवकाशातच घालत होतं घिरट्या

Fox, Airport, Chipi Airport, Sindhudurg, कोकण, चिपी विमानतळ, सिंधुदूर्ग विमानतळ
मुंबईवरुन आलेलं विमान दहा मिनिटं चिपी विमानतळावर अवकाशातच घालत होतं घिरट्या

सिंधुदुर्गातील चिपी विमानतळाचं नुकतंच मुख्यमंत्री उद्धव ठाकरे आणि केंद्रीय मंत्री नारायण राणे यांच्या उपस्थितीत उद्घाटन करण्यात आलं. दरम्यान चिपी विमानतळवर मुंबई येथून आलेलं एका विमानाच्या लँडिगदरम्यान अजब प्रकार घडला. यामुळे मुंबईहून आलेलं प्रवासी विमान अवकाशातच दहा मिनिटं घिरट्या घालत होतं. धावपट्टीवर चक्क कोल्हा आल्याने विमानाचं लँडिंग दहा मिनिटे थांबलं होतं.

सिंधुदुर्गातील चिपी विमानतळाचं ९ ऑक्टोबरला उद्घाटन झालं आणि या विमानतळावरुन विमानसेवा सुरु झाली. दरम्यान एका कोल्ह्यामुळे मुंबईवरून आलेल्या विमानाला धावपट्टीवर उतरण्यासाठी दहा मिनिटे अवकाशात घिरट्या घालण्याची वेळ आली. धावपट्टीवर अचानक आलेल्या कोल्ह्यामुळे यंत्रणेचीही तारंबळ उडाली.

सिंधुदुर्ग चिपी विमानतळ धावपट्टीवर कोल्हा असल्याचे वैमानिकाला समजले. त्यानंतर तात्काळ विमान पुन्हा आकाशात झेपावले आणि संबंधित यंत्रणेला या कोल्ह्याला धावपट्टीवरून बाहेर काढण्यास सांगण्यात आलं. या कोल्ह्याला धावपट्टीवरून बाहेर काढल्यानंतर दहा मिनिटांनी विमान धावपट्टीवर उतरविण्यात आलं. यामुळे प्रवाशांमध्ये सुरुवातील भिती निर्माण झाली होती. तसेच यावरुन विविध चर्चा रंगल्याचंही पाहायला मिळालं.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: A fox came on runway cause delay flight landing on chipi airport in sindhudurg sgy

Next Story
‘बुद्धिस्ट सर्किट’ विकासातून पर्यटनास चालना
ताज्या बातम्या