वाई : मुख्यमंत्री एकनाथ शिंदे यांनी आज महाबळेश्वर तालुक्यातील किल्ले प्रतापगडाला भेट देऊन तेथे सुरू असलेल्या विकास कामांची पाहणी केली. यावेळी खासदार डॉ. श्रीकांत शिंदे, जिल्हाधिकारी जितेंद्र डुडी, प्रभारी मुख्य कार्यकारी अधिकारी महादेव घुले, पोलीस अधीक्षक समीर शेख, अप्पर पोलीस अधीक्षक आंचल दलाल शिवसेनेचे जिल्हाध्यक्ष पुरुषोत्तम जाधव आदी उपस्थित होते. आणखी वाचा-अधिसूचनेच्या माहितीनंतर छगन भुजबळ यांचा गैरसमज दूर होईल- मुख्यमंत्री एकनाथ शिंदे यावेळी जिल्हाधिकारी श्री. डूडी यांनी किल्ले प्रतापगड संवर्धनासाठी तयार करण्यात आलेल्या आराखड्याबाबत माहिती देऊन येथे सुरू असलेल्या विकास कामांची माहिती दिली. विकास कामांना शासनाकडून निधी कमी पडू देणार नाही अशी ग्वाही मुख्यमंत्री श्री. शिंदे यांनी दिली. या प्रसंगी आई भवानी मातेची पूजा मुख्यमंत्री श्री. शिंदे यांनी केली
