एमपीएससी उमेदवारांना खाते अद्ययावत करताना येणाऱ्या अडचणींसाठी सूचना

• जुन्या खात्यामध्ये नोंदविण्यात आलेला मोबाईल क्रमांक, ईमेल आयडी चुकीचा किंवा ज्ञात नसल्याने किंवा बंद असल्याने अडचणी येत आहेत.
• मोबाईल नंबर किंवा ईमेल बंद असल्याने ओटीपी प्राप्त होण्यास आणि पर्यायाने पासवर्ड बदलण्यास अडचण येत आहे.
• उमेदवारांना पुढील आठवड्यापासून ईमेल आयडी आणि मोबाईल क्रमांक अद्ययावत करण्याची सुविधा उपलब्ध करून दिली जाणार आहे. त्यामुळे उमेदवारांना स्वत: खाते अद्ययावत करता येईल.
• ४ सप्टेंबरला २०२१ होणाऱ्या नियोजित महाराष्ट्र दुय्यम सेवा अराजपत्रित, गट-ब संयुक्त पूर्व परीक्षा २०२० करीता प्रवेश प्रमाणपत्र नवीन संकेतस्थळावरील उमेदवारांच्या खात्याव्यतिरिक्त अन्य सुयोग्य पद्धतीने सर्व उमेदवारांना सुलभपणे उपलब्ध होईल, अशी व्यवस्था करण्यात आली आहे.

एमपीएससीने नुकतीच नवी अर्ज प्रणाली कार्यान्वित केली आहे. त्यामुळे जुन्या प्रणालीवरील खाती नव्या प्रणालीवर हस्तांतरित करण्यात आली आहेत. नव्या प्रणालीसाठी उमेदवारांनी त्यांचे खाते अद्ययावत करणे आवश्यक आहे. त्याबाबत आयोगाने उमेदवारांना सूचना दिल्या होत्या. या पार्श्वभूमीवर खाते अद्ययावत करण्यासाठी उमेदवार प्रयत्न करत असताना प्रणालीमध्ये अडचणी असल्याचे दिसून येत आहेत.