नुकत्याच झालेल्या लोकसभा निवडणुकीत अहमदनगर मतदारसंघात राष्ट्रवादी काँग्रेस पार्टीच्या शरद पवार गटाचे उमेदवार निलेश लंके यांनी भाजपा उमेदवार सुजय विखे यांचा २८ हजार मतांनी पराभव केला. अहमदनगरची निवडणूक देशभर चर्चेचा विषय बनली होती. निवडणुकीच्या प्रचारादरम्यान, माजी खासदार सुजय विखे यांनी निलेश लंके यांच्यावर वेगवेगळ्या प्रकारची टीका केली होती. तसेच त्यांच्या शिक्षणावरूनही टीका केली होती. “निलेश लंके यांनी माझ्यासारखं इंग्रजी बोलून दाखवल्यास मी निवडणुकीचा उमेदवारी अर्ज भरणार नाही”, असं आव्हानही सुजय विखे पाटील यांनी दिलं होतं. लंके यांनी प्रचारकळात विखेंच्या टीकेला जशास तसं प्रत्युत्तर दिलं होतं. तसेच लंके यांनी आता पुन्हा एकदा विखेंवर कुरघोडी केली आहे.

सोमवारी (१० जून) राष्ट्रवादी काँग्रेस पार्टी शरदचंद्र पवार या पक्षाचा वर्धापनदिन साजरा करण्यात आला. या वर्धापनदिनानिमित्त आयोजित मेळाव्यात निलेश लंके यांनी दमदार भाषण केलं. तसेच या भाषणाची सुरुवात इंग्रजी वाक्याने केली. निलेश लंके या भाषणावेळी पक्षाचे अध्यक्ष शरद पवारांबाबत म्हणाले, “सर्वांनी एक गोष्ट ध्यानात ठेवायची… Pawar is the Power… सगळ्यांचा नाद करायचा, पण पावारांचा नाद केला तर ते भल्याभल्याना घरी बसवतात. शरद पवार हे आम्हा सर्वांचं दैवत आहे.”

Maharashtra Lok Sabha Election Result 2024 Updates in Marathi
Maharashtra Lok Sabha Election Result 2024: महाराष्ट्रातील ४८ मतदारसंघात काय आहे स्थिती? कुणाला मिळाला विजय; कोण आघाडीवर? जाणून घ्या…
nilesh lanke sharad pawar
“निलेश लंकेंना संसदेत पाहून लोक विचारतील, हा कोण…”, शरद पवारांचं वक्तव्य; म्हणाले, “ते मराठीत काय बोलतील…”
yogendra yadav
“लोकसभेच्या निकालानंतर अजित पवार आणि एकनाथ शिंदे…”, योगेंद्र यादव यांचं मोठं विधान!
Bajrang sonwane
बजरंग सोनवणे बंडखोरीच्या वाटेवर? अजित पवार गटाच्या नेत्याकडून मोठा दावा; म्हणाले, “काही नेते…”
vishal patil and uddhav thackeray
“उद्धव ठाकरेंना…”, काँग्रेसला पाठिंबा दिल्यानंतर अपक्ष आमदार विशाल पाटलांचं विधान
PM narendra modi and joe biden
Lok Sabha Election Result 2024 Updates : इंडिया आघाडीचं ठरलं; सध्या ‘वेट अँड वॉच’च्या भूमिकेत, पण योग्य वेळी योग्य पाऊल उचलण्याचं सूचक विधान!
Manoj Jarange Warning to Devendra Fadnavis
लोकसभेच्या निकालानंतर मनोज जरांगेंचा देवेंद्र फडणवीसांना इशारा, “..तर विधानसभेला इंगा”
Eknath Shinde
“४०० पारच्या घोषणेमुळे…”, महाराष्ट्रातील अपयशाबद्दल एकनाथ शिंदेंचं मोठं वक्तव्य! म्हणाले…

निलेश लंके म्हणाले, “लोकसभा तो बस ट्रेलर हैं, विधानसभा अभी बाकी हैं, शरद पवार यांनी चेंडू टाकला की समोरच्यांचा त्रिफळा उडतो. त्यामुळे नाद करायचा, पण शरद पवारांचा नाद करायचा नाही, पवारांचा नाद करून भले भले थकले, कारण पवार इज दी पॉवर.” भाषणातील या इंग्रजी वाक्यासह लंके यांनी थेट सुजय विखेंवर निशाणा साधला. यावेळी राष्ट्रवादीच्या उपस्थित कार्यकर्त्यांनी एकच जल्लोष केला. लोकसभा निवडणुकीच्या प्रचारावेळी सुजय विखे यांनी निलेश लंके यांची इंग्रजी भाषेवरून खिल्ली उडवण्याचा प्रयत्न केला होता. विखे म्हणाले होते की, “संसदेत जायचं असेल तर माझ्यासारखं इंग्रजीत बोलता आलं पाहिजे.”

हे ही वाचा >> लोकसभेच्या निकालानंतर ठाकरे-भाजपाचं मनोमिलन? चंद्रकांत पाटलांच्या ‘त्या’ वक्तव्यामुळे तर्कवितर्कांना उधाण

शरद पवारांकडून लंकेंचं कौतुक

दरम्यान, या मेळाव्यात शरद पवार यांनीदेखील भाषण केलं. या भाषणावेळी पवारांनी निलेश लंके यांचं कौतुक केलं. पवार म्हणाले, “आपले निलेश लंके प्रचंड बहुमताने निवडून आले आहेत. ते आता लोकसभेत जात आहेत. मात्र, मला एका गोष्टीची काळजी वाटते की निलेश लंके संसदेत गेल्यावर त्यांच्याबरोबर असलेल्या संसदेतील आपल्या जुन्या सदस्यांना तिथले लोक विचारतील की हा कोण गडी या ठिकाणी आणला? मात्र आपले हे खासदार लोकसभेतही जोरदार भाषण करतील यात शंका नाही. मी निलेश लंके यांना सांगितलं आहे की संसदेत मराठीतही भाषण करता येतं. निवडणुकीच्या काळात कुणीतरी म्हटलं इंग्रजीत का बोलत नाही? त्या टीकाकारांना मला सांगायचं आहे की इंग्रजी बोलायची काही अडचण नाही. परंतु, संसदेत हिंदीत किंवा आपली मातृभाषा मराठीतही बोलता येतं.”