scorecardresearch

Premium

अहमदनगरमधून लोकसभा निवडणूक लढणार? रोहित पवार म्हणाले, “मला दिल्लीला…”

रोहित पवार हे अहमदनगरमधून आगामी लोकसभा निवडणूक लढणार असल्याची चर्चा सुरू आहे.

Rohit Pawar
रोहित पवारांनी अहमदनगरमध्ये प्रसारमाध्यमांशी बातचीत केली.

राष्ट्रवादी काँग्रेस पार्टीचे नेते आणि कर्जत-जामखेडचे आमदार रोहित पवार आगामी लोकसभा निवडणूक लढणार असल्याची चर्चा सध्या सुरू आहे. रोहित पवार यांना अहमदनगरमधून उमेदवारी दिली जाऊ शकते, असं म्हटलं जात आहे. यावर रोहित पवार यांनी आपली भूमिका स्पष्ट केली आहे. रोहित पवार म्हणाले, मी लोकसभा निवडणूक लढणार नाही. मी केवळ विधानसभा निवडणूक लढवणार आहे आणि कर्जत-जामखेडमधूनच निवडणूक लढणार आहे. मला दिल्लीला जाण्यात रस नाही, असंही त्यांनी सांगितलं. रोहित पवार अहमदनगरमध्ये प्रसारमाध्यमांशी बोलत होते.

अहमदनगरमध्ये आलेल्या रोहित पवार यांना प्रसारमाध्यमांच्या प्रतिनिधींनी विचारलं की तुम्ही अहमदनगरमधून लोकसभा निवडणूक लढणार आहात का? किंवा पक्षाने आदेश दिला तर लोकसभा निवडणूक लढायला तयार आहात का? यावर रोहित पवार म्हणाले, मला दिल्लीला जायचं नाही. मला महाराष्ट्राच्या विधीमंडळातच काम करायचं आहे.

Eknath shinde, kolhapur, hatkanangale lok sabha constituency
मुख्यमंत्री शिंदे पुन्हा कोल्हापुरात, हातकणंगले मतदारसंघासाठी लक्ष घातले
AAP announces 4 LS candidates from Delhi,
Lok Sabha Elections 2024 : ‘आप’चे दिल्लीतील चार उमेदवार जाहीर
shinde group to get south mumbai ratnagiri lok sabha constituency seat palghar for bjp
शिंदे गटाकडील दक्षिण मुंबई, रत्नागिरी, पालघर मतदारसंघ भाजपकडे?
sonia gandhi rajya sabha
सोनिया गांधींकडून राज्यसभा लढण्याचा निर्णय; रायबरेली मतदारसंघातून प्रियंका गांधी लोकसभा निवडणूक लढवणार?

आमदार रोहित पवार म्हणाले, मी या कर्जत-जामखेड मतदारसंघातूनच लढणार आहे. अनेक लोक चर्चा करत आहेत. परंतु, तसं होणार नाही. मी फक्त आणि फक्त कर्जत-जामखेडमधूनच निवडणूक लढणार आहे. कर्जत जामखेडच्या लोकांनी मला आशीर्वाद दिला आहे. संघर्षाच्या काळात इथले लोक माझ्या पाठीशी भक्कमपणे उभे राहिले आहेत. या लोकांमुळेच मला राज्यात ओळख मिळाली आहे.

हे ही वाचा >> “कारखाने यांचे, रिकव्हरी तपासणारेही हेच, मग…”, साखर कारखान्यांच्या ऑडिटवरून राजू शेट्टींचा शरद पवारांना टोला

रोहित पवार म्हणाले, कर्जत-जामखेड मतदारसंघातील लोकांना मी माझं कुटुंब मानतो. त्यामुळे कुठल्याही परिस्थितीत मी विधानसभेचा हा मतदारसंघ सोडणार नाही आणि दिल्लीला जाणार नाही. तसेच अहमदनगर लोकसभेला आपल्या विचाराचा, अपल्या संघटनेचा, आपल्या पक्षाचा आणि आपल्या इंडिया आघाडीचा जो उमेदवार असेल त्याला ताकद द्यावी लागेल.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Rohit pawar answer on will he contest loksabha elections from ahmednagar asc

First published on: 04-10-2023 at 14:08 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×