सलाम! १५ व्या वर्षी लग्न, संसार सांभाळून ३६ व्या वर्षी झाली बारावी

आणखी वाचा : Maharashtra HSC 12th Result 2019: यंदाही मुलींचीच बाजी! राज्याचा निकाल ८५.८८ टक्के

लोकसत्ता ऑनलाईनशी या यशाबद्दल बोलताना रेखा शिरसाट म्हणाल्या की, आम्ही दोन बहिणी आणि तीन भाऊ आहोत. घरची परिस्थिती नाजूक असल्याने वयाच्या 15 व्या वर्षी लग्न झाले. त्यामुळे पुढील शिक्षण घेता आले नाही. मात्र 2013 साली 8 वीमध्ये पूना नाईट स्कूलमध्ये प्रवेश घेतला. तेव्हापासून शिक्षणासाठी सुरुवात केली. या दरम्यान अनेक घरामध्ये प्रसंग पाहिले.पण कधीही मागे सरली नाही आणि माझे शिक्षण चालू ठेवले. दहावी आणि आता बारावीत प्रथम आली आहे. तर मुलगा यंदा बारावीमध्ये गेला आहे. तसेच आता पुढे मला वकील व्हायचे असल्याची भावना त्यांनी व्यक्त केली. तसेच मला शिक्षण घेण्यासाठी घरातील सर्वानी सहकार्य केल्याचे त्यांनी सांगितले.

आणखी वाचा : शाब्बास! आयपॅडवर परीक्षा देत दिव्यांग निष्काने मिळवले ७३ टक्के

राज्याचा निकाल ८५. ८८ टक्के इतका असून यंदाही बारावीच्या परीक्षेत मुलींनीच बाजी मारली आहे. विद्यार्थ्यांना दुपारी १ पासून निकाल ऑनलाइन पाहता येईल. राज्यभरातून बारावीच्या परीक्षेत १४ लाख २३ हजार ५०३ विद्यार्थ्यांनी नोंदणी केली होती. त्यापैकी परीक्षेत प्रविष्ट झालेल्या विद्यार्थ्यांची संख्या १४ लाख २१ हजार ९३६ इतकी होती. परीक्षेत १४ लाख २४ हजार ५०३ विद्यार्थ्यांनी नोंदणी केली होती. त्यापैकी परीक्षेत प्रविष्ट झालेल्या विद्यार्थ्यांची संख्या १४ लाख २१ हजार ९३६ इतकी होती. यात मुलींची संख्या ६ लाख ३० हजार २५४ तर मुलांची संख्या ७ लाख ९१ हजार ६८२ इतकी होती. यातील १२ लाख २१ हजार १५९ विद्यार्थी उत्तीर्ण झाले असून राज्याचा निकाल ८५. ८८ टक्के इतका लागला आहे.