लढाई पैलवानांमध्ये होते, इतरांमध्ये नाही म्हणत शरद पवारांचा मुख्यमंत्र्यांवर निशाणा

लढाई पैलवानांमध्ये होते, इतरांमध्ये नाही असं उत्तर देत आणि आक्षेपार्ह हातवारे करत राष्ट्रवादी काँग्रेसचे सर्वेसर्वा शरद पवार यांनी बार्शी या ठिकाणी झालेल्या सभेत मुख्यमंत्र्यांवर टीका केली. काही दिवसांपूर्वीच मुख्यमंत्री देवेंद्र फडणवीस यांनी या निवडणुकीत काहीही मजा येत नाही कारण आमचे पैलवान तयार आहेत, आखाड्यातही उतरवलं आहे. मात्र समोर कोणीही नाही असं म्हणत मुख्यमंत्र्यांनी विरोधकांवर निशाणा साधला आहे. तसंच शरद पवार यांची अवस्था शोले सिनेमातल्या जेलरसारखी झाली आहे अशीही टीका त्यांनी केली. याच वक्तव्याचा समाचार शरद पवार यांनी बार्शी येथील सभेत घेतला.