scorecardresearch

Premium

शिंदे गटात वादाची ठिणगी! गजानन कीर्तिकरांनी रामदास कदमांचा ‘गद्दार’ म्हणून केला उल्लेख; म्हणाले…

“…म्हणून रामदास कदम आदळआपट करीत आहेत”, अशी टीकाही गजानन कीर्तिकरांनी केली आहे.

ramdas kadam gajanan kirtikar
आधी 'गद्दार' म्हणून रामदास कदमांवर टीका, आता कीर्तिकरांकडून वादावर पडदा टाकण्याचा प्रयत्न ( संग्रहित छायाचित्र )

मुंबईतील उत्तर-पश्चिम लोकसभा मतदासंघावरून शिवसेना ( शिंदे गट ) खासदार गजानन कीर्तिकर आणि रामदास कदम यांच्यात आरोप-प्रत्यारोप सुरू आहेत. आता हा वाद टोकाला गेला आहे. पक्षाच्या पाठीत खंजीर खुपसू नका, असं थेट हल्लाबोल रामदास कदमांनी गजानन कीर्तिकरांवर केला होता. याला गजानन कीर्तिकरांनी प्रत्युत्तर दिलं आहे. गद्दार रामदास कदमांच्या तोंडी दुसऱ्यांच्या गद्दारीची भाषा हास्यास्पद आहे, अशी टीका गजानन कीर्तिकरांनी केली आहे.

रामदास कदम नक्की काय म्हणाले होते?

“गजानन कीर्तिकर हे शिंदे गटात, तर मुलगा ठाकरे गटात आहे. फक्त लोकसभेचा उमेदवारी अर्ज भरून घरी बसू नका. पक्षाशी बेईमानी होणार नाही, याची काळजी घ्या. तुम्हाला विरोध करण्याचं कारण नाही. पण, एकाच कार्यालयात मुलगा आणि वडील बसतात. काय करताय हे सर्व जग पाहतेय. मुलगा ठाकरे गटातून तर तुम्ही शिंदे गटातून अर्ज दाखल कराल. नंतर मुलाला बिनविरोध निवडून द्यायचं, असं कटकारस्थान होता कामा नये. पक्षाच्या पाठीत खंजीर खुपसू नका, ही विनंती आहे,” असं रामदास कदमांनी म्हटलं होतं.

Madhavi Mahajani balasaheb thackeray memory
नोकरी करताना झाला त्रास, बाळासाहेब ठाकरेंना कळालं अन्…; गश्मीर महाजनीच्या आईने सांगितला प्रसंग, म्हणाल्या, “मीनाताईही…”
govind dev giri on gyanvapi mathura
Video: “ही तीन मंदिरं प्रेमाने मिळाली, तर आम्ही मागचं सगळं विसरून जाऊ”, गोविंद देव गिरी महाराजांचं विधान चर्चेत!
Mahatma Gandhi on Ram Rajya Cinema Explained in Marathi
Martyrs’ Day 2024 महात्मा गांधी यांनी पाहिलेला पहिला हिंदी चित्रपट आणि राम यांचा नेमका काय संबंध आहे?
personal information about goa social workers ramkrishna naik
व्यक्तिवेध : रामकृष्ण नायक

हेही वाचा : “भाजपाकडून सापत्न वागणूक”, गजानन कीर्तिकरांच्या दाव्यावर देवेंद्र फडणवीसांची प्रतिक्रिया; म्हणाले…

“मला पाडण्यासाठी रामदास कदमांनी प्रयत्न केले”

यावर एक परिपत्रक काढत गजानन कीर्तिकरांनी रामदास कदमांना लक्ष्य केलं आहे. गजानन कीर्तिकर म्हणाले, “रामदास कदम यांच्या गद्दारीचा इतिहास फार मोठा आहे. १९९० साली मी मालाड विधानसभेतून निवडणुकीला उभा होतो, त्याचवेळेला रामदास कदम खेडमधून निवडणूक लढत होते. माझ्या मालाड विधानसभा क्षेत्रातील कांदिवलीमधील सर्व कार्यकर्ते त्यांनी खेडला नेले आणि मला पाडण्यासाठी प्रयत्न केले.”

“सदानंद कदमांना निवडून आणू नका म्हणून रामदास कदमांची कार्यकर्त्यांना दमबाजी”

“खेड-भरणा नाका ते भोर-पुणे शरद पवार यांच्‍या गाडीत बसून रामदास कदम राष्‍ट्रवादीत प्रवेश करण्‍याबाबत सविस्‍तर चर्चा करीत होते, हे त्‍यांनी विसरू नये आणि खेडमधील शिवसैनिक देखील हे विसरलेले नाहीत. एवढेच कशाला कांदिवली पूर्व महानगरपालिकेच्‍या वॉर्डामधून त्‍यांचा सख्खा भाऊ सदानंद कदम शिवसेना पक्षातून निवडणूक लढत असताना, त्यांना निवडून आणू नका म्‍हणून सर्व कार्यकर्त्‍यांना रामदास कदम हे दमबाजी करीत होते,” असा गौप्यस्फोटही कीर्तिकरांनी केला आहे.

हेही वाचा : उत्तर-पश्चिम लोकसभा मतदारसंघावरून शिंदे गटात वाद उफाळला, गजानन कीर्तिकरांनी रामदास कदमांना सुनावलं

“…म्हणून अनंत गीते विजयी झाले”

“अनंत गीते यांना देखील २०१४ च्‍या लोकसभा निवडणुकीत पाडण्‍यासाठी रामदास कदम यांनी भरपूर मेहनत घेतली. परंतु, कोकणातील निष्‍ठावान शिवसैनिक गीतेंच्‍या पाठीशी उभे राहिल्यामुळे प्रचंड मताधिक्‍याने ते विजयी झाले,” असं कीर्तिकरांनी म्हटलं.

“रामदास कदम संभ्रम निर्माण करण्‍याचा प्रयत्‍न करीत आहे”

“रामदास कदम यांचा मुलगा सिद्धेश कदम याला लोकसभा निवडणूक लढवण्‍याची इच्‍छा झाली आहे, म्‍हणून ते विविध मार्गांनी खोट्या बातम्‍या वृत्‍तपत्र व सोशल मीडियावर प्रसारित करून वातावरण गढूळ करण्‍याचा प्रयत्‍न करीत आहेत. त्‍यांच्‍या या दबावतंत्राला एकनाथ शिंदे थारा देणार नाहीत. त्‍यामुळेच वैफल्‍यग्रस्‍त झाल्‍यामुळे रामदास कदम आदळआपट करीत आहेत. रामदास कदम संभ्रम निर्माण करण्‍याचा प्रयत्‍न करीत आहे. त्‍यांनी हे निष्‍पळ प्रयत्‍न थांबवावेत,” असा इशारा देत आगामी लोकसभा निवडणूक लढण्याचा निर्धारही कीर्तिकरांनी व्यक्त केला आहे.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Shinde group mp gajanan kirtikar attacks radmas kadam over north west loksabha seat siddhesh kadam ssa

First published on: 11-11-2023 at 16:56 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×