scorecardresearch

Premium

निलेश राणेंची राजकारणातून निवृत्तीची घोषणा, विनायक राऊत प्रतिक्रिया व्यक्त करत म्हणाले…

निलेश राणेंनी अशाप्रकारे तडकाफडकी निवृत्तीचा निर्णय जाहीर केल्यानं अनेकांना धक्का बसला आहे.

nilesh rane vinayak raut
विनायक राऊत यांनी निलेश राणे यांना आव्हान दिलं आहे. ( संग्रहित छायाचित्र )

केंद्रीय मंत्री नारायण राणे यांचे सुपुत्र आणि माजी खासदार निलेश राणे मंगळवारी ( २४ ऑक्टोबर ) तडकाफडकी राजकारणातून निवृत्ती घेत असल्याची घोषणा केली. ‘एक्स’ ( ट्वीटर ) अकाउंटवर त्यांनी एक पोस्ट शेअर केली. त्यात निलेश राणे यांनी राजकारणातून निवृत्ती घेण्याचं कारण स्पष्ट केलं आहे. निलेश राणे यांनी अशाप्रकारे तडकाफडकी निवृत्तीचा निर्णय जाहीर केल्यानं अनेकांना धक्का बसला आहे.

“मी सक्रिय राजकारणातून कायमचा बाजूला होत आहे. आता राजकरणात मन रमत नाही. इतर काही कारण नाही,” असं निलेश राणेंनी म्हटलं आहे. यावर शिवसेना ( ठाकरे गट ) खासदार विनायक राऊत यांनी प्रतिक्रिया व्यक्त केली आहे.

satya pal malik
मोदी सरकारविरोधात बोलणं सत्यपाल मलिकांना भोवणार? सीबीआयच्या छापेमारीनंतर राजकीय चर्चांना उधाण!
Uddhav Thackeray
“उद्धव ठाकरेंना शिवसेना पक्ष आणि धनुष्यबाण चिन्ह पुन्हा मिळू शकतं”, SC च्या वकिलांनी केलं स्पष्ट; म्हणाले…
Vijay Wadettivars reaction to Ashok Chavan join BJP
चव्हाणांच्या पक्षांतरावर वडेट्टीवारांची प्रतिक्रिया, म्हणाले “एक व्यक्ती गेला म्हणजे…”
ajit pawar refuse rr patil group felicitation
राष्ट्रवादी पक्षप्रकरणी निवडणूक आयोगाच्या निकालानंतर अजित पवारांची पहिली प्रतिक्रिया; म्हणाले, “लोकशाहीत बहुमताला…”

हेही वाचा : “बाटगा मोठ्यानं बांग देतो, तशीच बॅनरबाजी”, राऊतांनी मुख्यमंत्र्यांवर केलेल्या टीकेला शिंदे गटातील नेते प्रत्युत्तर देत म्हणाले…

“दसऱ्याच्या मुहूर्तावर राजकारणातून निवृत्ती का घेतली? याबाबत अधिक मला काय माहिती नाही. पण, कदाचित राजकीय कुरघोडीतून निलेश राणेंना नैराश्य आलं असेल. त्यातून हा निर्णय घेतला असावा. राजकारणात कधी यायचं आणि कधी निवृत्त व्हायचं, हा प्रत्येकाचा अधिकार असतो,” असं विनायक राऊतांनी सांगितलं.

“दोन वेळा झालेल्या पराभवानंतर लोकसभा निवडणूक न लढण्याचा निर्णय निलेश राणेंनी घेतल्याची माहिती मला मिळाली,” असेही विनायक राऊत म्हणाले.

निलेश राणेंचं ट्वीट काय?

“नमस्कार, मी सक्रिय राजकारणातून कायमचा बाजूला होत आहे, आता राजकरणात मन रमत नाही, इतर काही कारण नाही. मागच्या १९/२० वर्षा मध्ये आपण सगळ्यांनी मला खूप प्रेम दिलं, कारण नसताना माझ्या सोबत राहिलात त्या बद्दल मी आपला खूप आभारी आहे. भाजपामध्ये खूप प्रेम भेटलं. भाजपासारख्या एका उत्तम संघटनेत काम करण्याची संधी मिळाली त्याबद्दल मी खूप नशीबवान आहे,” असं निलेश राणेंनी म्हटलं.

हेही वाचा : “शिवसेना तोडली, राष्ट्रवादी पक्षही फोडला अन् मिंध्या-लाचार…”, ठाकरे गटाचा भाजपावर हल्लाबोल

“मी एक लहान माणूस आहे. पण, राजकरणात खूप काही शिकायला मिळालं आणि काही सहकारी कुटुंब म्हणून कायमचं मनात घर करून गेले, आयुष्यात त्यांचा मी नेहमी ऋणी राहीन. निवडणूक लढवणं वगैरे यात मला आता रस राहिला नाही, टीका करणारे टीका करतील पण जिथे मनाला पटत नाही तिथे वेळ स्वतःचा आणि इतरांचा वाया घालवणे मला पटत नाही. कळत नकळत मी काही लोकांना दुखावलं असेल त्याबद्दल मी दिलगिरी व्यक्त करतो. तुम्हा सर्वांना माझ्या शुभेच्छा. जय महाराष्ट्र!”, असेही निलेश राणे म्हणाले.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Shivsena thackeray mp vinayak raut on bjp leader nilesh rane announce retirement from politics ssa

First published on: 24-10-2023 at 16:43 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×