11 August 2020

News Flash

‘लक्ष्मी बॉम्ब’, ‘भुज’ होणार ओटीटी प्लॅटफॉर्मवर प्रदर्शित, इतक्या कोटींना विकले गेले हक्क

किंमत ऐकून धक्का बसेल.

सध्या संपूर्ण देशात करोना व्हारसमुळे उद्भवलेल्या परिस्थितीमुळे चित्रपटगृहे बंद ठेवण्यात आली आहेत. त्यामुळे बॉलिवूड इंडस्ट्रीने चित्रपट प्रदर्शित करण्यासाठी वेगळा मार्ग निवडला आहे. अनेक चित्रपट ओटीटी प्लॅटफॉर्मवर प्रदर्शित करण्यास सुरुवात केली आहे. नुकताच सात नवे चित्रपट ओटीटी प्लॅटफॉर्मवर प्रदर्शित होणार असल्याची घोषणा करण्यात आली. पण हे चित्रपट ओटीटी प्लॅटफॉर्मवर प्रदर्शित करण्यासाठी चित्रपटाचे हक्क हे कोट्यावधी रुपांना विकण्यात आले आहे.

अक्षय कुमारचा लक्ष्मी बॉम्ब, अजय देवगणचा ‘भुज: द प्राइड ऑफ इंडिया’, आलिया भट्टचा ‘सड़क 2’, अभिषेक बच्चनचा ‘द बिग बुल’, कुणाल खेमूचा कॉमेडी चित्रपट ‘लूटकेस’, विद्युत जामवालाचा ‘खुदा हाफिज’ आणि दिवंगत अभिनेता सुशांत सिंह राजपूतचा ‘दिल बेचारा’ हे चित्रपट डिझनी हॉटस्टारवर प्रदर्शित होणार आहेत. हे सर्व चित्रपट घरी बसल्या पाहता येणार असल्यामुळे चाहते आनंदी असल्याचे दिसत आहे.

पिंकव्हिलाने दिलेल्या वृत्तानुसार, ‘लक्ष्मी बॉम्ब’ हा चित्रपट ओटीटी प्लॅटफॉर्मवर प्रदर्शित करण्यासाठी चित्रपटाचे हक्क १२५ कोटी रुपयांना विकत घेतले आहेत. तर भुज या चित्रपटाचे हक्क ११२ कोटी रुपयांना विकले असल्याचे समोर आले आहेत. या बाबत टी-सीरिजने अद्याप कोणतीही अधिकृत माहिती दिलेली नाही. ओटीटी प्लॅटफॉर्मवर प्रदर्शित होणार असलेल्या चित्रपटांचा प्रेक्षकांना फर्स्ट डे फर्स्ट शो पाहायला मिळणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 2, 2020 12:06 pm

Web Title: ajay devgns bhuj sold for a whopping price second only to akshay kumars laxmmi bomb avb 95
Next Stories
1 “मुलगी म्हणून चिडवणं हा अपमान नाही तर…”; विकास गुप्ताने सांगितल्या बालपणीच्या कटू आठवणी
2 Photo : ‘बबड्या’ लवकरच येतोय तुमच्या भेटीला
3 “थप्पड नहीं काम से मारो”; अनुभव सिन्हांच्या ‘त्या’ ट्विटवर प्रियांकाची प्रतिक्रिया
Just Now!
X