'रावडी राठोड' या मनोरंजक चित्रपटासाठी अक्षय कुमार आणि प्रभूदेवा ही अभिनेता-दिग्दर्शक जोडी खासकरून ओळखली जाते. त्यांच्यातली ही दमदार केमिस्ट्री फोटोग्राफर डब्बू रत्नानीने छायाचित्रीत केली आहे. यात अक्षयची स्टायलिश आणि प्रभूदेवाची अॅक्शन साइड पाहावयास मिळते. "आमच्या फोटोशूटमधला हा शॉट मला खूप आवडला," असे अक्षयने ट्विट केले आहे.खिलाडी-देवा जोडी पुन्हा एकदा चित्रपटासाठी एकत्र येणार असल्याची चर्चा आहे. या चित्रपटाची निर्मिती अक्षय-अश्विनीची निर्मिती कंपनी ग्रॅझिंग गोट करणार आहे. उत्साहित असलेल्या अश्विनीने चित्रपटातील मुख्य भूमिकेकरिता अभिनेत्रीचा शोध सुरु करण्यात आला आहे, असे सांगितले.
