बॉलिवूड अभिनेत्री करीना कपूर आणि सैफ अली खान हे नेहमी चर्चेत असतात. हे कपल सोशल मीडियावर फारसं सक्रिय नसलं तरी अनेक मुलाखतींमध्ये बिनधास्तपणे त्यांची मते मांडताना दिसतात. नुकताच करीनाने एका मुलाखतीमध्ये पती सैफची प्रशंसा केली आहे.

करीनाने डेक्कन क्रॉनिकल्सला नुकतीच मुलाखत दिली. त्यावेळी ‘सैफ हा एक अष्टपैलू अभिनेता आहे. भविष्यात शेकडो सुपरस्टार होतील पण सैफसारखा कोणताही कलाकार नसेल. तो खूप वेगळ्या पद्धतीने विचार करतो आणि प्रत्येक गोष्ट निवडताना तो वेगळ्या गोष्टींचा विचार करतो’ असे करीनाने म्हटले. दरम्यान तिने सेक्रेड गेम्स या सीरिजचा देखील उल्लेख केला आहे.

पुढे तिने ‘चित्रपटांमध्ये २५ वर्षे काम केल्यानंतर सैफने सेक्रेड गेम्समध्ये काम करत त्याचा अभिनयाचा एक वेगळा पैलू दाखवला’ असे म्हटले. त्यानंतर करीनाला ओटीटी प्लॅटफॉर्मवर पदार्पण करणार का असा देखील प्रश्न विचारण्यात आला होता. त्यावर तिने ‘मला आता अशी संधी मिळणार नाही आणि मला सध्या या प्लॅटफॉर्मकडे वळण्याचा विचार नाही’ असे म्हटले.