बॉलिवूड अभिनेता नवाजुद्दीन सिद्दीकी त्याच्या पत्नीमुळे पुन्हा चर्चेत आला आहे. गेल्या काही दिवसांपूर्वी आलियाने नवाजवर काही आरोप केले होते. त्यानंतर आता पुन्हा एकदा आलियाने नवाजवर आरोप केले आहेत. तसंच तिने नवाज आणि त्याच्या कुटुंबातील अन्य चार सदस्यांविरुद्ध बुढाना येथे पोलीस तक्रार दाखल केली आहे. 'इंडिया टुडे'नुसार,२७ जुलै रोजी आलियाने मुंबईतील एका पोलीस ठाण्यामध्ये नवाजुद्दीन सिद्धीकी आणि त्याच्या कुटुबांविरुद्ध तक्रार दाखल केली होती. त्यानंतर आता तिने मुजफ्फरनगर येथील बुढानामधील एका पोलीस ठाण्यात तक्रार दाखल केली आहे. दरम्यान, अभिनेता नवाजुद्दीन सिद्दिकीची पत्नी आलिया सिद्दीकीने इमेलद्वारे घटस्फोटाची नोटीस पाठवली आहे. नवाजुद्दीन व आलियाच्या लग्नाला १० वर्षे झाली असून या दोघांना दोन मुलं आहेत. लग्नाला एक वर्ष झालं, तेव्हापासूनच वैवाहिक जीवनात चढउतार सुरू झाल्याचं आलियाने एका मुलाखतीत सांगितलं होतं.
