देशभरात आज होळीचा सण मोठ्या उत्साहात साजरा केला जात आहे. बॉलिवूड सेलिब्रिटी देखील सोशल मीडियाच्या माध्यमातून देशवासियांना होळीच्या शुभेच्छा देत आहेत. दरम्यान अभिनेता ऋषी कपूर यांनी देखील आपल्या अनोख्या अंदाजात होळीच्या शुभेच्छा दिल्या आहेत.

काय म्हणाले ऋषी कपूर?

ऋषी कपूर यांनी तोंडाला गुलाल लावलेला एक फोटो ट्विट केला आहे. या फोटो त्यांच्या लहाणपणीचा आहे. या फोटोवर त्यांनी होळीच्या शुभेच्छा दिल्याच पण त्याचबरोबर करोना वायरसपासून सावधान राहाण्याचा इशाराही दिला.

ऋषी कपूर सोशल मीडियावर प्रचंड सक्रिय असतात. ते नेहमीच आपल्या बालपणीच्या आठवणी सोशल मीडियाच्या माध्यमातून चाहत्यांना सांगत असतात. अनेकदा ते स्वत:बरोबरच इतर कलाकारांचेही फोटो आणि व्हिडीओ पोस्ट करतात. या पार्श्वभूमीवर त्यांचा हा फोटो सध्या सोशल मीडियावर जोरदार व्हायरल होत आहे. काही तासांत शेकडो नेटकऱ्यांनी यावर आपल्या प्रतिक्रिया दिल्या आहेत.