News Flash

आईचा अपमान, पलक मुछालने मंचावरच गाणे थांबवले

ताज महोत्सवात मंचावरच धक्काबुक्की

पलक मुछाल

उत्तरप्रदेशच्या आग्रा येथे सुरु असलेल्या ताज महोत्सवादरम्यान मंचावरच धक्काबुक्की झाली. प्रसिद्ध गायिका पलक मुछालचा भाऊ पलाश मुछाल आणि गझल गायक सुधीर नारायण यांच्यात ही धक्काबुक्की झाली. कार्यक्रमाचे सांस्कृतिक संयोजक सुधीर नारायण यांनी पलकच्या आईसोबत गैरव्यवहार केल्याचा आरोप केला जात असून पलकने अर्ध्यावरच शो सोडला.

ताज महोत्सवाचा मंगळवारी अखेरचा दिवस होता. पलक कार्यक्रमात गाणे सादर करत होती आणि त्यानंतर सुधीर नारायण यांनी तिच्याकडे होळीचे गाणे गाण्याची इच्छा व्यक्त केली. यावरच तिथे उपस्थित असलेल्या पलकच्या आईचा राग अनावर झाला आणि त्यांनी सुधीर नारायण यांना खडेबोल सुनावले. दोघांमध्ये होत असलेल्या या बाचाबाचीदरम्यानच पलाश सुधीर नारायण यांच्या अंगावर धावून गेला. मंचावरच धक्काबुक्की झाली आणि अखेर कार्यक्रमाच्या आयोजकांना वाद मिटवण्यासाठी पुढे सरसावे लागले.

अखेर आयोजकांनी हा वाद मिटवला, मात्र त्यानंतर रागाच्या भरात पलक तो शो अर्ध्यावरच सोडून निघून गेली. आयोजकांनी तिला थांबवण्याचा प्रयत्न केला, मात्र तिने ऐकले नाही. अखेर या घटनेनंतर कार्यक्रम तिथेच संपवण्यात आला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 28, 2018 2:09 pm

Web Title: singer palak muchhal alleged taj mahotsav organizer misbehaved with her mother watch video
Next Stories
1 दिल्ली: लग्नात फायरिंग, गोळी लागल्याने नवरदेवाचा मृत्यू
2 भारताची अर्थव्यवस्था 2018मध्ये 7.6 टक्क्यांनी वाढणार – मूडीज अंदाजावर ठाम
3 मध्य प्रदेश पोटनिवडणूक : मुंगवली आणि कोलारस या दोन्ही जागांवर काँग्रेसचा मोठा विजय
Just Now!
X