अक्षय कुमार हा बॉलिवूडमधील एक सुपरस्टार अभिनेता म्हणून ओळखला जातो. चित्रपटांसोबतच तो सोशल मीडियावर व्हायरल होणाऱ्या फोटो आणि व्हिडीओजमुळे देखील चर्चेत असतो. अक्षयचा असाच एक व्हिडीओ सध्या इंटरनेटवर अक्षरश: धुमाकूळ घालत आहे. हा व्हिडीओ गेल्या वर्षी प्रदर्शित झालेल्या 'फिलहाल' या गाण्याचा आहे. लक्षवेधी बाब म्हणजे वर्षभरात या गाण्याला ९० कोटींपेक्षा अधिक व्ह्यूज मिळाले आहेत. 'फिलहाल' हे गाणं पंजाबी गायक बी प्राक यानं गायलं आहे. अन् त्यानेच या गाण्याचं दिग्दर्शन देखील केलं आहे. या गाण्याच्या माध्यमातून अक्षयने म्यूझिक व्हिडीओच्या क्षेत्रातही पदार्पण केलं होतं. या व्हिडीओमध्ये अक्षयसोबत क्रिती सेननची लहान बहिण नुपूर दिसत आहे. या गाण्यात दोघांचीही खूप सुंदर केमिस्ट्री पाहायला मिळत आहे. संगीतकारानं दोन प्रेमींची अर्धवट राहिलेली प्रेमकथा या गाण्याच्या माध्यमातून सांगण्याचा प्रयत्न केला आहे. लक्षवेधी बाब म्हणजे गेल्या वर्षी प्रदर्शित झालेलं हे गाणं आता पुन्हा एकदा सोशल मीडियावर चर्चेत आहे. अन् या गाण्याला युट्यूबवर तब्बल ९० कोटी ८ लाखांपेक्षा अधिक व्ह्यूज मिळाले आहेत.
