बॉलिवूड अभिनेता सुशांत सिंह राजपुतने गळफास लावून आत्महत्या केली. तो केवळ ३४ वर्षांचा होता. त्याच्या मृत्यूमुळे सर्वांनाच धक्का बसला आहे. पाकिस्तामधील बॉलिवूड चाहत्यांनीही सुशांतसाठी दु:ख व्यक्त केलं आहे. दरम्यान पाकिस्तानी अभिनेता अली जफर याने सुशांतसोबतची आठवण सांगून त्याला श्रद्धांजली वाहिली आहे. "फोटो शेअर करण्यासाठी धन्यवाद शबीना. मला आजही ती रात्र आठवतेय जेव्हा मी पहिल्यांदा सुशांतला भेटलो होतो. तो बॉलिवूडमधील एक गुणवान अभिनेता होता. शिवाय चांगला मित्र आणि हसमुख व्यक्ती होता. त्याच्या आत्महत्येमुळे आम्हा सर्वांना जबरदस्त धक्का बसला आहे." अशा आशयाची इन्स्टाग्राम पोस्ट लिहून त्याने सुशांतला श्रद्धांजली अर्पण केली आहे. अली जफरची ही पोस्ट सध्या सोशल मीडियावर सर्वांचेच लक्ष वेधून घेत आहे. View this post on Instagram Thank you for sharing this Shabinaa. I remember this night vividly. He was one of the warmest and nicest people I had met in the industry. So full of life and always smiling. Still can’t get over it. @rohiniyer @shabskofficial #sushantsinghrajput A post shared by Ali Zafar (@ali_zafar) on Jun 23, 2020 at 5:24am PDT सुशांतचा थक्क करणारा प्रवास सुशांतने नैराश्यामुळे आत्महत्या केली असं म्हटलं जात आहे. मात्र अद्याप त्याबद्दल अधिकृत माहिती मिळाली नाही. ‘शुद्ध देसी रोमान्स’, ‘डिटेक्टिव्ह ब्योमकेश बक्षी’, ‘एम. एस. धोनी : द अनटोल्ड स्टोरी’, ‘केदारनाथ’, ‘छिछोरे’ यांसारख्या चित्रपटांमध्ये त्याने दमदार भूमिका साकारल्या आहेत. २००९ मध्ये ‘पवित्र रिश्ता’ या मालिकेतून तो घरघरांत पोहोचला. त्याच्या अभिनयाचं सर्वत्र कौतुक झालं.