कोरोना विषाणूचा प्रादुर्भाव हळूहळू वाढत आहे. कोविडची प्रकरणे दिवसेंदिवस वाढत आहेत. कोविडने आता बी टाऊनमध्येही धुमाकूळ घातला आहे. अनेक कलाकार जीवघेण्या व्हायरसच्या विळख्यात येऊ लागले आहेत. बॉलीवूडच्या ज्येष्ठ अभिनेत्री किरण खेर यांना करोना झाला आल्याची बातमी अलीकडेच आली होती. ही बातमी ताजी असताना आता बॉलिवूड अभिनेत्री पूजा भटलाही करोना झाल्याची माहिती समोर आली आहे. पूजाने स्वत: ट्वीट करत ही माहिती दिली आहे. हेही वाचा- “भारतातल्या मुली आळशी आहेत” सोनाली कुलकर्णीच्या ‘त्या’ विधानावर उर्वशी रौतेलाचं भाष्य, म्हणाली “ज्या मुली…” प्रसिद्ध चित्रपट निर्माते महेश भट्ट यांची मुलगी आणि प्रसिद्ध अभिनेत्री पूजा भट्टने नुकतेच ट्विट केले की ती कोरोनाच्या विळख्यात आली आहे. पूजाने ट्वीट करत लिहिले आहे की. "३ वर्षांनंतर मी प्रथमच कोविड पॉझिटिव्ह झाली आहे. कोविड आपल्या खूप जवळ येऊन पोहचला आहे. लस घेऊनही तुम्हाला कोविड होऊ शकतो. आशा करते की मी लवकरच माझ्या पायावर परतेन." तसेच सगळ्यांनी मास्क वापरण्याचे आवाहनही पूजाने केलं आहे. या ट्विटसोबत तिने एक व्हिडिओही शेअर केला आहे. ज्यामध्ये कोविड आणि लॉकडाऊनचे अनेक जुने व्हिडिओ आहेत. लॉकडाऊनच्या काळात पंतप्रधान मोदींनी भारतीयांना भांडी वाजवण्याचे आवाहन केले होते. ३ वर्षांपूर्वी पीएम मोदींच्या सांगण्यावरून लोकांनी भांडी वाजून करोनाला देशातून पळवून लावला असल्याचा टोमणाही तिने लगावला आहे.
