scorecardresearch

Premium

“त्याने त्याचा जीव का घेतला हे…”, रिया चक्रवर्तीचे सुशांतच्या मृत्यूवर भाष्य; म्हणाली, “मला काळी जादू…”

सुशांत सिंह राजपूतच्या आत्महत्येबद्दल काय म्हणाली रिया चक्रवर्ती, तीन वर्षांनी सोडलं मौन

rhea chakraborty talks about sushant singh rajput death
सुशांतच्या निधनानंतरच्या परिस्थितीवर रिया चक्रवर्तीचे भाष्य (फोटो – रिया इन्स्टाग्राम)

अभिनेता सुशांत सिंह राजपूतने तीन वर्षांपूर्वी आत्महत्या केली. आत्महत्येनंतर त्याची गर्लफ्रेंड रिया चक्रवर्तीवर अनेक आरोप झाले, टीका झाली आणि तिला चौकशीला सामोरं जावं लागलं, तुरुंगात राहावं लागलं, यासंदर्भात तिने भाष्य केलं आहे. तीन वर्षांपूर्वी ज्या परिस्थितीचा सामना तिला करावा लागला, लोकांची बोलणी ऐकावी लागली तो अनुभव तिने सांगितला आहे.

Video: गुरमीत चौधरीने भर रस्त्यात पडलेल्या व्यक्तीचा वाचवला जीव, अभिनेत्याची कृती पाहून तुम्हीही कराल कौतुक

santhan rajiv gandhi case convict
राजीव गांधी हत्या प्रकरणातील दोषीचा सुटकेनंतर दोन वर्षांनी मृत्यू; आरोपी संथन कोण होता?
punjab bjp, farmer protest
तरुण शेतकऱ्याच्या मृत्यूनंतर पंजाबमध्ये संताप, जनभावना ओळखून भाजपाच्या नेत्यांनी सोडले मौन!
Alexei Navalny Death
अलेक्सी नवाल्नींची शक्ती अन् प्रेरणास्थान राहिलीय ‘युलिया; पतीच्या मृत्यूनंतर पत्नीची पहिली पोस्ट चर्चेत
woman committed suicide with her two-month-old baby connection with Postpartum depression
‘तिनं असं का केलं…?’

“आयुष्य एक वर्तुळ आहे. आता मी माध्यमांशी बोलत आहे. आयुष्य पुढे सरकत आहे. नवीन मी खूप वेगळी आहे. पूर्वी वयाच्या ३१ व्या वर्षी मला माझ्या आत ८१ वर्षांची वृद्ध महिला असल्यासारखं वाटायचं. कठीण काळात तुम्ही देवदास बनू शकता किंवा थेरपीची मदत घेऊन पुढे जाऊ शकता. मी थेरपीची मदत घेतली,” असं रिया ‘इंडिया टुडे कॉन्क्लेव्ह २०२३’ मध्ये म्हणाली.

“१८ वर्षांचं प्रेम अन्…”, ऑस्ट्रेलियात प्रिया बापट-उमेश कामतचा रोमँटिक अंदाज, लिपलॉक करतानाचा फोटो चर्चेत

सुशांत सिंह राजपूतच्या मृत्यूबद्दल रिया म्हणाली, “जेव्हा मी लोकांच्या चेहऱ्याकडे पाहते तेव्हा काही लोक माझ्याकडे असे पाहतात की मी काहीतरी केलं आहे. मी लोकांचे चेहरे वाचू शकते. लोक मला ‘चुडैल’ (हडळ) म्हणाले, ते नाव मला आवडलं. मला काही फरक पडला नाही. कोणास ठाऊक कदाचित मला काळी जादू माहित असेल. समाजात लोक म्हणतात की जर लग्नानंतर पुरुष जास्त दारू पिऊ लागला तर हे सर्व त्याची पत्नी येण्याने झाले. त्याच्या करिअरला उतरती कळा लागली तर त्यासाठीही पत्नीला जबाबदार धरलं जातं.”

रिया म्हणाली, “लोक मानसिक आरोग्याची स्थिती समजत नाही. तो (सुशांत) यशस्वी होता, पण त्याचे मानसिक आरोग्य का बिघडले ते मला माहीत नाही. यशस्वी लोक देखील तणावात असू शकतात. सुशांतने त्याचा जीव का घेतला हे मला माहीत नाही. मात्र तो कोणत्या परिस्थितीतून गेला हे मला माहीत आहे. मला एनसीबी आणि ड्रग्सबद्दल बोलायचे नाही.”

रियाने तिचा तुरुंगातील अनुभव सांगितला. “तुरुंग हे रंजक ठिकाण असतं, कारण तुम्ही समाजापासून वेगळे होता. तुरुंगात मला खूप काही शिकायला मिळाले. मी अंडर ट्रायल होते. मी दोषी नव्हते. आपण चित्रपटांसाठी कसे धावत राहतो हे मी शिकलो. पण तुरुंगात राहणाऱ्या महिलांना तिथे कधीतरी सामोसा मिळाला तर त्या खूप खूश होतात.”

Latest Comment
View All Comments
Post Comment

मराठीतील सर्व बॉलीवूड बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Rhea chakraborty talks about sushant singh rajput death says successful people can be depressed hrc

First published on: 06-10-2023 at 09:55 IST

संबंधित बातम्या

तुम्ही या बातम्या वाचल्या आहेत का? ×