‘बरं झालं हे बघायला तुझी आई जिवंत नाही’; जान्हवी कपूरने सांगितला कटू अनुभव

“जेव्हा माझा पहिला चित्रपट प्रदर्शित झाला तेव्हा लोकांनी मला असंही सुनावलं की बरं झालं तुझी आई हे सर्व बघायला जिवंत नाही. पण या ट्रोलिंगचा परिणाम मी माझ्यावर होऊ देणार नाही. माझ्यात आणखी सुधारणा करण्यासाठी मी त्यांचा वापर करेन”, असं जान्हवी ‘बॉलिवूड हंगामा’ला दिलेल्या मुलाखतीत म्हणाली.

आणखी वाचा : सुशांतच्या आत्महत्येवर नवाजुद्दीनने उपस्थित केला प्रश्न; म्हणाला…

जान्हवीचा नुकताच ‘गुंजन सक्सेना : द कारगिल गर्ल’ हा चित्रपट नेटफ्लिक्स या ओटीटी प्लॅटफॉर्मवर प्रदर्शित झाला. या चित्रपटातील तिच्या अभिनयाला प्रेक्षकांकडून संमिश्र प्रतिसाद मिळाला. जान्हवीसोबत यामध्ये अंगद बेदी, पंकज त्रिपाठी आणि विनीत कुमार सिंग यांच्याही महत्त्वपूर्ण भूमिका आहेत.