संजय लोंढे यांची शांताबाई महाराष्ट्रातल्या प्रत्येक घरात पोहोचली. घरातल्या प्रत्येक व्यक्तीला या शांताबाईने वेडही लावले. कोणत्याही समारंभात गाण्यांच्या ठेक्यात शांताबाई आली नाही तरच नवल. मग त्या पार्ट्या असोत किंवा लग्न समारंभ शांताबाईशिवाय नाचण्याला मजाच नव्हती. आता याच शांताबाईला टक्कर द्यायला लवकरच येतेय कांताबाईची सेल्फी. कांताबाईची सेल्फी या गाण्यावर अभिनेत्री स्मिता गोंदकर हिने नृत्य केले आहे. हे गाणे समर्थक शिंदे याने गायले असून ८ ऑगस्टला हे पूर्ण गाणे रिलिज होणार आहे. या गाण्याची छोटीशी झलक स्मिताने तिच्या फेसबूकवर शेअर केली.
