स्निक पिक: शूर नीरजा भानोतच्या भूमिकेत सोनम - Marathi News | Revealed Sonam Kapoor In Uniform For Neerja Biopic

'नीरजा' या आगामी चरित्रपटात सोनम कपूर उड्डाणसेविका नीरजा भानोत यांची व्यक्तिरेखा साकारणार आहे.

Written by admin

May 4, 2015 02:30 IST

सोनम कपूर

‘नीरजा’ या आगामी चरित्रपटात सोनम कपूर उड्डाणसेविका नीरजा भानोत यांची व्यक्तिरेखा साकारणार आहे. या चित्रपटातील आपल्या लूकचे स्निक पिक सोनमने ट्विटरवर प्रसिद्ध केले आहे. नीरजा भानोत या शूर उड्डाणसेविका होत्या. त्यांना मरणोत्तर अशोकचक्र देऊन सन्मानित करण्यात आले होते.

Hello everyone! This is me as Neerja! in our tribute to Neerja Bhanot. This is my most spe… http://t.co/kmewx92Yif pic.twitter.com/GE9NgAXpkC
— Sonam Kapoor (@sonamakapoor) May 3, 2015

५ सप्टेंबर १९८६ ला मुंबईहून उड्डाण केलेल्या ‘पॅन अ‍ॅम फ्लाइट ७३’ या विमानाचे अपहरण करून ते कराचीत उतरवण्यात आले होते. नीरजा भानोत ही २३ वर्षांची तरुणी त्या विमानात वरिष्ठ उड्डाणसेविका म्हणून काम करत होती. त्या प्रसंगाला तोंड देणाऱ्या नीरजाला प्रवाशांचा जीव वाचवण्याच्या प्रयत्नात आपला जीव गमवावा लागला होता. नीरजाची ही शौर्यकथा रुपेरी पडद्यावर येणार असून प्रसिद्ध जाहिरात दिग्दर्शक राम मधवानी हे या चित्रपटाचे दिग्दर्शन करणार आहेत. नीरजा भानोत यांची वास्तव कथा मांडणाऱ्या ‘नीरजा’ या चित्रपटाची निर्मिती फॉक्स स्टार स्टुडिओ करणार आहे.

First published on: 04-05-2015 at 02:30 IST

TOPICSसोनम कपूर Sonam Kapoor

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Revealed sonam kapoor in uniform for neerja biopic