मुंबई क्रूज ड्रग्ज पार्टी प्रकरणात अभिनेता शाहरुख खानचा मुलगा आर्यन खानला जामीन मंजूर झाल्यानंतर अखेर आज त्याची तुरुंगातून सुटका करण्यात आली. तब्बल २६ दिवसांनंतर आर्यन खान तुरुंगाबाहेर आला आहे. आर्यनला नेण्यासाठी शाहरुख खान जेलबाहेर उपस्थित होता. आर्यन खान मन्नतवर पोहोचताच त्याला पाहण्यासाठी चाहत्यांनी तुफान गर्दी केली आहे. शुक्रवारी, न्यायालयातून जामीन मिळूनही कारागृह प्रशासनापर्यंत कागदपत्रे वेळेत न पोहोचल्याने आर्यन खानला आणखी एक रात्र मुंबईच्या आर्थर रोड तुरुंगात काढावी लागली. मात्र, आज शनिवारी तो तुरुंगातून बाहेर आला. ढोल-ताशा वाजवत आर्यनच्या स्वागतासाठी चाहते मन्नतवर उपस्थित होते.
