अभिनेता सुशांत सिंह राजपूतचा मृतदेह घेऊन जाणाऱ्या रुग्णवाहिकेच्या चालकाला आता सुशांतच्या चाहत्यांकडून धमक्यांचे फोन येत आहेत. त्या चालकावर सुशांतला जीवे मारण्याचे आरोप केले जात असून गेल्या काही दिवसांपासून त्याला सतत धमक्यांचे फोन येत आहेत. याप्रकरणी अभिनेत्री स्वरा भास्करने तीव्र संताप व्यक्त केला आहे. तुम्हाला लाज वाटली पाहिजे, असं म्हणत स्वरा चाहत्यांवर भडकली आहे. 'याला काय अर्थ आहे? स्वत:ला चाहते म्हणायला तुम्हाला लाज वाटली पाहिजे. तुम्ही चाहते नाहीत, तर बुद्धिहीन लोकांचा जमाव आहे', असं ट्विट स्वराने केलं. सुशांतने आत्महत्या केल्यानंतर त्याचा मृतदेह रुग्णालयात नेण्यात आला होता. ही रुग्णवाहिका विशाल बंदगार चालवत होते. परंतु, रुग्णवाहिकेमध्येच सुशांतचा गळा आवळून त्याचा खून केल्याचं काही चाहत्यांचं म्हणणं आहे. त्यामुळे सध्या हे काही चाहते विशाल बंदगारला सतत फोन करुन धमकी देत आहेत. इतकंच नाही तर दिवसातून असे धमकीचे अनेक फोन येत असून ते अर्वाच्च भाषेत बोलतात असंही, विशालने सांगितलं आहे. क्या मतलब है यार इसका????? Shame on these so-called fans. You are not fans, you are a mindless mob! — Swara Bhasker (@ReallySwara) August 5, 2020 काय म्हणाला रुग्णवाहिकेचा चालक? मी आणि माझा भाऊ शहरातील अनेक रुग्णालयात रुग्णवाहिका चालक म्हणून काम करतो. परंतु, मी सुशांतचा मृतदेह रुग्णवाहिकेतून घेऊन गेलो तेव्हापासून आज एक महिना झाला, मला सतत धमकीचे फोन येत आहेत, असं विशाल म्हणाला. पुढे तो म्हणतो, बऱ्याच वेळा हे चाहते अर्वाच्च भाषेत शिवीगाळ करतात. तसंच रुग्णालयात नेतांना सुशांत जीवंत होता, मात्र रुग्णवाहिकेत त्याचा गळा आवळा गेला त्यामुळे तुम्हाला त्याची शिक्षा मिळेल असंही चाहते म्हणतात.
