छोट्या पडद्यावरील लोकप्रिय अभिनेत्री सई लोकूर नेहमी चर्चेत असते. बिग बॉसमुळे ती घराघरात पोहचली. लवकरच सई आई होणार आहे. काही दिवसांपूर्वीच सईने सोशल मीडियावर पोस्ट करत गरोदर असल्याची आनंदाची बातमी दिली होती. नुकताच सईच्या डोहाळे जेवणाचा कार्यक्रम पार पडला. या कार्यक्रमातील काही फोटो सईने सोशल मीडियावर शेअर केले आहेत. हेही वाचा- Video : चाहतीच्या चाळीतल्या घरी पोहोचली ‘ठरलं तर मग’ फेम जुई गडकरी! अभिनेत्रीच्या नम्रपणाचं होतंय कौतुक डोहाळे जेवणाच्या कार्यक्रमासाठी सईने पोपटी रंगाची सुंदर साडी नेसली होती. तसेच सईने जांभळ्या रंगाच्या फुलांच्या दागिन्यांनी साज केला होता. सईने आपल्या इन्स्टाग्रामवर या डोहाळे जेवणाचा व्हिडीओ शेअर केला आहे. व्हिडीओमध्ये सईबरोबर तिचा नवरा तीर्थदीप रॉयही दिसत आहे. सईचा हा व्हिडीओ सोशल मीडियावर व्हायरल झाला आहे. अनेक चाहत्यांनी या व्हिडीओवर कमेंट करत सईचे अभिनंदन केलं आहे. कर्नाटकमधील बेळगाव येथे सई बाळाचे स्वागत करणार आहे. दरम्यान बाळासाठी सईने काही काळासाठी अभिनय क्षेत्रातून ब्रेक घेतला आहे. सध्या ती तिचा आई होण्याचा प्रवास एन्जॉय करत आहे. हेही वाचा- Video: कार्तिकी गायकवाडने नवऱ्याबरोबर मिळून खरेदी केली आलिशान कार, नव्या गाडीची खास झलक दाखवत म्हणाली… सईच्या कामाबद्दल बोलायचं झालं तर तिने मराठीबरोबर अनेक हिंदी सुपरहिट चित्रपटांमध्ये काम केलं आहे. ‘नो एन्ट्री पुढे धोका आहे’, ‘किस किसको प्यार करू’, ‘जरब’, ‘मी आणि यू’ मधील तिच्या भूमिका चांगल्याच गाजल्या. 'बिग बॉस मराठी’च्या पहिल्या पर्वातही ती सहभागी झाली होती.
