अभिनेता सिद्धार्थ जाधव होस्ट करत असलेला 'आता होऊ दे धिंगाणा २' या कार्यक्रमाला प्रेक्षकांचा चांगला प्रतिसाद मिळत आहे. यामध्ये दोन टीममधील अनोखी सांगीतिक लढत पाहण्यासाठी प्रेक्षक नेहमी उत्सुक असतात. कोणती टीम बाजी मारते?, कोण घंटा घरातून किती रक्कम आणतंय? हे पाहणं उत्कंठावर्धक असतं. गेल्या आठवड्यात 'आई कुठे काय करते’ मालिका विरुद्ध ‘प्रव्हेंजर्स रिटर्न्स’ यांच्यात सांगीतिक लढत झाली. यामध्ये 'आई कुठे काय करते’ टीम चारही फेऱ्या हरले. यामुळे चार वेळा ‘प्रव्हेंजर्स रिटर्न्स’ यांना घंटा घरात जाण्याची संधी मिळाली. त्यांनी एकूण ६० हजार १०३ रुपये आणून गेल्या आठवड्याचे विजेते ‘प्रव्हेंजर्स रिटर्न्स’ ठरले. याआधीही प्रव्हेंजर्स आले होते त्यांनी 'ठरलं तर मग' मालिकेच्या टीमला हरवलं होतं. आता या आठवड्यात ही सांगीतिक लढत खेळण्यासाठी 'प्रेमाची गोष्ट' मालिकेतील कलाकार हजर होणार आहे. हेही वाचा - Bigg Boss 17: ‘बिग बॉस १७’मधून ‘हा’ सदस्य झाला बघेर, नाव ऐकताच प्रेक्षकांना झाला आनंद तेजश्री प्रधान व राज हंचनाळे यांची प्रमुख भूमिका असलेली 'प्रेमाची गोष्ट' ही मालिका सध्या लोकप्रियतेच्या शिखरावर आहे. प्रेक्षकांचा या मालिकेला उदंड प्रतिसाद मिळत आहे. 'आता होऊ दे धिंगाणा २'मध्ये या मालिकेच्या टीमला टक्कर द्याला 'आमने सामने' नाटकातील कलाकार आणि 'आईच्या गावात मराठीत बोल' चित्रपटातील कलाकार येणार आहेत. या आठवड्यात ही सांगीतिक लढत पाहायला मिळणार आहे. नुकताच याचा प्रोमो समोर आला आहे. या प्रोमोमध्ये कलाकारांची धमाल, मस्ती सर्व काही पाहायला मिळत आहे. हेही वाचा - Video: भर हायवेवर उतरुन ‘या’ मराठी अभिनेत्याने वाचवला मुक्या प्राण्याचा जीव, प्रसंग सांगत म्हणाला… दरम्यान, 'आता होऊ दे धिंगाणा २'मधील या आठवड्यातील सांगीतिक लढत कोण जिंकतंय?, कोण घंटा घरातून किती रक्कम आणतंय? हे पाहणं महत्त्वाचं असणार आहे.
