मुंबईतील विलेपार्ले परिसरात एका चोवीस वर्षीय तरूणीवर घरात घुसून सामुहिक बलात्काराची घटना गुरुवारी घडली. या प्रकरणी पोलिसांनी चार आरोपींना अटक केली आहे. आरोपींपैकी दोन युवक त्याच परिसरात राहणारे आहेत, अशी प्राथमिक माहिती मिळाली आहे. या प्रकरणातील चारही आरोपींना वांद्रे कोर्टात हजर केलं जाणार आहे. महिला अत्याचार प्रतिबंधक विधेयकाचा तिढा सुटला असल्याचे मानले जात असून, या विधेयकावर केंद्रीय मंत्रिमंडळ आज (गुरुवार) निर्णय घेतला जाणार आहे. या पार्श्वभूमीवर मुंबईसारख्या शहरात ही घटना घडल्याने आश्चर्य व्यक्त होते आहे.
