News Flash

पंचतारांकित पबमध्ये जोडप्याला प्रवेश नाकारला

जुहू येथील एका पंचतारांकित हॉटेलातील पबमध्ये एका जोडप्याला प्रवेश नाकारण्यात आला. भारतीयांना प्रवेश नाही

| July 27, 2015 07:14 am

जुहू येथील एका पंचतारांकित हॉटेलातील पबमध्ये एका जोडप्याला प्रवेश नाकारण्यात आला. भारतीयांना प्रवेश नाही, असे कारण पब व्यवस्थापकाने दिल्याचा आरोप या जोडप्याने केला आहे. या पब व्यवस्थापकावर सांताक्रुझ पोलीस ठाण्यात गुन्हा दाखल करण्यात आला आहे. मात्र अद्याप कुणालाही अटक झालेली नाही.
जेनिफर चौहान आणि सोनू मलिक हे दोघे शनिवारी रात्री उपनगरातील एका प्रख्यात पंचतारांकित हॉटेलातील पबमध्ये गेले होते. तिथे त्यांना प्रवेश नाकारण्यात आला. यावरून पब व्यवस्थापक आणि या जोडप्यात शाब्दिक बाचाबाची झाली. त्यामुळे जेनिफरने पोलिसांना फोन करून बोलावले. पोलिसांनी पबमधील पार्टी बंद केली. भारतीयांना या पबमध्ये प्रवेश नाही, असे कारण देऊन प्रवेश नाकारल्याचा आरोप जेनिफरने केला. सांताक्रुझ पोलिसांनी नागरिकांचे हक्क संरक्षण कायदा १९५५ चे कलम ४ अन्वये पब व्यवस्थापक आणि कार्यक्रम आयोजकांवर गुन्हा दाखल केला आहे.
मात्र कोणालाही अटक करण्यात आलेली नाही. दरम्यान, आमच्या पबमधील ग्राहकांची यादी आधीच ठरलेली असते. संबंधित जोडपे या यादीत नव्हते म्हणून त्यांना प्रवेश दिला नाही. तसेच आमच्याकडचे ग्राहक बहुतांश भारतीयच असतात. त्यामुळे या जोडप्याचे आरोप निराधार असल्याचे पबतर्फे सांगण्यात आले.
संबंधित पब यापूर्वी देखील वादात सापडला होता. एका अभिनेत्याने हिंदी गाण्याचा आग्रह केल्याने येथे हाणामारीचा प्रकार घडला होता.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 27, 2015 7:14 am

Web Title: access deny to couple
टॅग : Loksatta,Marathi,News
Next Stories
1 वादग्रस्त ट्विप्पणीमुळे सलमान अडचणीत
2 ‘इस्टेट इन्व्हेस्टमेंट’च्या ताब्यातून जमिनी मुक्त
3 ‘व्हिवा लाउंज’मध्ये जाणून घ्या करिअरची यशसूत्रे
Just Now!
X