News Flash

शितपच्या बेकायदा बांधकामांवर कारवाई

गोळीबार रोडवरील या जागेवर महानगरपालिकेने सात वर्षांपूर्वी, २०१० मध्ये कारवाई केली होती.

अंधेरी-घाटकोपर लिंक रोडवरील बेकायदा गाळय़ांवर कारवाई करण्यात आली.

पालिकेकडून दोन गाळे जमीनदोस्त

सिद्धीसाई इमारत दुर्घटनेप्रकरणी अटकेत असलेल्या सुनील शितपच्या अनधिकृत बांधकामांवर महापालिकेने कारवाई करण्यास सुरुवात केली आहे. शुक्रवारी सकाळी अंधेरी घाटकोपर लिंक रोडवरील अल्ताफ नगरमध्ये एका खासगी जागेवर बांधलेले दोन व्यावसायिक गाळे पाडण्यात आले. या गाळ्याचे वीजमीटर सुनील शितपच्या नावावर होते.

गोळीबार रोडवरील या जागेवर महानगरपालिकेने सात वर्षांपूर्वी, २०१० मध्ये कारवाई केली होती. मात्र या जागेची मालकी असल्याचे सांगत गणेश कल्लू नामक व्यक्तीने न्यायालयात याचिका दाखल केली होती. त्यावर न्यायालयात सुनावणी सुरू असल्याने पालिकेने कारवाई थांबवली होती. मात्र गेल्याच महिन्यात न्यायालयाने ही याचिका निकाली काढली. त्यानंतर शुक्रवारी पालिकेच्या एन विभागाकडून कारवाई करत अनधिकृतपणे चालवले जाणारे व्यावसायिक गाळे दुसऱ्यांदा तोडले. २० बाय ६० फूट जागेवरील या गाळ्यात कॅटरिंग व्यवसाय चालवण्यात येत होता.

अनधिकृत गाळ्यांसाठी घेतलेले वीजमीटर सुनील शितप याच्या नावावर होते. या कारवाईसाठी महापालिकेचे १५ कर्मचारी, अधिकारी घटनास्थळी कार्यरत होते. मुंबई पोलीस दलाचे १७ पोलीस कर्मचारीदेखील या ठिकाणी तैनात होते. यानंतर सुनील शितप याच्या इतर ठिकाणच्या अनधिकृत बांधकामांवरही कारवाई होण्याची शक्यता पालिका वर्तुळात वर्तवली गेली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 29, 2017 3:26 am

Web Title: action on sunil shitap illegal construction bmc sunil shitap ghatkopar building collapse
Next Stories
1 पायाच्या अंगठय़ात, दातांत कुंचला धरून भविष्याचे सुखद चित्र
2 खाऊखुशाल : पोटासोबत मनाची तृप्ती
3 बळीराजासाठी मदत केंद्राचा सिद्धिविनायक चरणी ‘श्रीगणेशा’
Just Now!
X