28 May 2020

News Flash

Coronavirus : चेंबुरमधील ३ दिवसांच्या बाळाची चाचणी निगेटिव्ह

यापूर्वी खासगी लॅबमध्ये करण्यात आलेली चाचणी पॉझिटिव्ह आली होती.

चेंबुरमधील तीन दिवसांच्या बाळाची आणि त्याच्या आईची करोनाची पहिली चाचणी निगेटिव्ह आल्याची माहिती समोर आली आहे. यापूर्वी त्यांची खासगी लॅबमध्ये चाचणी करण्यात आली होती. त्यावेळी त्यांचे चाचणी अहवाल पॉझिटिव्ह असल्याचं सांगण्यात आलं होतं. त्यानंतर आई आणि तान्ह्या बाळाला उपचारासाठी कस्तुरबा रुग्णालयात हलवण्यात आलं होतं.

कस्तुरबा रुग्णालयात तान्ह्या बाळाला आणि आईला हलवल्यानंतर त्यांची करोनाची चाचणी करण्यात आली होती. पहिल्या चाचणीत त्यांचे रिपोर्ट निगेटिव्ह आले आहेत. त्यामुळे आता समाधान व्यक्त करण्यात येत आहे.

काय आहे प्रकरण?
खासगी रुग्णालयात २६ मार्चला एका महिलेची प्रसूती झाली. त्यानंतर तिला आणि तिच्या बाळाला एका विशेष खोलीत हलविण्यात आले. त्यानंतर २४ तासांच्या आतच आम्हाला या खोलीतून दुसरीकडे जाण्यास सांगण्यात आले, असे या महिलेच्या पतीनं सांगितलं होतं. खासगी प्रयोगशाळेत साडेतेरा हजार रुपये खर्च करून माझ्यासह पत्नी आणि बाळाची करोना चाचणी करण्यात आली होती. त्यात पत्नीसह बाळाला करोनाचा संसर्ग झाल्याचे दोन दिवसांपूर्वी स्पष्ट झाल्याचं त्यांनी सांगितलं होतं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 3, 2020 12:14 pm

Web Title: chembur mumbai three days baby and his mother coronavirus test negative kasturba hospital jud 87
Next Stories
1 ‘कुछ कुछ होता है’मधील अभिनेत्रीच्या वडिलांचं निधन
2 आरोग्य विभागाचं टेन्शन वाढलं : मुंबईत ३५ वर्षीय डॉक्टरला करोनाचा संसर्ग
3 ऐतिहासिक अमृतांजन पूल टाळेबंदीत पाडणार
Just Now!
X