मुंबईतील घाटकोपर-वर्सोवा मेट्रो रेल्वेचा प्रकल्प मार्गी लागल्यानंतर आता, घाटकोपर ते ठाणे ते कासारवडवली-घोडबंदर रोड या नव्या मेट्रो मार्गाची घोषणा आज (शनिवार) करण्यात आली. मुख्यमंत्री पृथ्वीराज चव्हाण यांनी आज(शनिवार) विधानसभेत मेट्रोच्या या नव्या मार्गाची घोषणा केली. घाटकोपर ते कासारवडवली हे ३१ किलोमीटरचे अंतर असून, या मार्गावर एकुण २९ स्थानके उभारण्यात येतील अशी माहिती मुख्यमंत्र्यांनी आज विधानसभेत दिली.
