29 September 2020

News Flash

भुजबळांवर मुख्यमंत्र्यांचा पलटवार

महाराष्ट्र सदनातील अनेक कामे अपूर्ण आणि त्रुटीपूर्ण असून ही कामे पूर्ण करून घेण्यासाठी निवासी आयुक्त बिपिन मलिक आणि संबंधित कंत्राटारांमध्ये बोलणी सुरू असल्याचे सांगत मुख्यमंत्री

| July 26, 2014 06:42 am

महाराष्ट्र सदनातील अनेक कामे अपूर्ण आणि त्रुटीपूर्ण असून, ही कामे पूर्ण करून घेण्यासाठी निवासी आयुक्त बिपिन मलिक आणि संबंधित कंत्राटारांमध्ये बोलणी सुरू असल्याचे सांगत, मुख्यमंत्री पृथ्वीराज चव्हाण यांनी शनिवारी छगन भुजबळांवर पलटवार केला.  सदनातील गैरसोयींसाठी निवासी आयुक्त जबाबदार असल्याच्या टीकेने गेल्या काही दिवसांत जोर धरला आहे. यासंदर्भात आपण निवासी आयुक्त किंवा कंत्राटदार यांच्यापैकी कोणा एकाची बाजू घेऊ शकत नसल्याचे मुख्यमंत्र्यांनी सांगितले. मात्र, महाराष्ट्र सदनातील अपूर्ण कामे तातडीने पूर्ण होण्याची गरज व्यक्त करत त्यांनी देखभालीची जबाबदारी असणाऱ्या चमणकर एंटरप्रायजेस आणि पर्यायाने छगन भुजबळ यांच्यावर टीका केली.
दरम्यान, छगन भुजबळ यांनी शनिवारी सकाळी महाराष्ट्र सदनातील अपुऱ्या सुविधांकडे निवासी आयुक्तांनी केलेल्या दुर्लक्षामुळेच शिवसेनेच्या खासदारांच्या संतापाचा कडेलोट झाल्याचे सांगितले. महाराष्ट्र सदनातला प्रकार हा निंदनीय असून तो चिघळवण्यासाठी निवासी आयुक्त बिपीन मलिक जबाबदार असल्याचे सांगत त्यांनी अप्रत्यक्षपणे मुख्यमंत्र्यांवर निशाणा साधला होता. छगन भुजबळांच्या मर्जीतील चमणकर एंटरप्रायजेस प्रा.लि. यांच्याकडे दिल्लीतील महाराष्ट्र सदनाच्या पुर्नबांधणीचे आणि देखभालीचे कंत्राट सोपवण्यात आले होते. मात्र, निवासी आयुक्तांच्या दादागिरीमुळे यापुढे सदनातील दोष व त्रुटी दूर करण्याची जबाबदारी आमची नाही, अशी भूमिका विकासकाने घेतली होती.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 26, 2014 6:42 am

Web Title: cm prithviraj chavan slams chhagan bhujbal
Next Stories
1 असुरक्षित नगरसेविकांचा आमदाराविरोधात हल्लाबोल
2 प्राथमिक शिक्षकांच्या पगारात फक्त शंभर रुपयाने वाढ
3 पारसकर यांना ३१ जुलैपर्यंत दिलासा
Just Now!
X