23 September 2020

News Flash

सलमानचा वाहन परवाना मागविण्याची मागणी कोर्टाने फेटाळली

अभिनेता सलमान खान याचा वाहन परवाना न्यायालयात दाखविण्याची सरकारी पक्षाची मागणी मंगळवारी न्यायालयाने फेटाळली.

| March 3, 2015 01:20 am

अभिनेता सलमान खान याचा वाहन परवाना न्यायालयात दाखविण्याची सरकारी पक्षाची मागणी मंगळवारी न्यायालयाने फेटाळली. सलमान खान याने त्याचा पहिला वाहन परवाना २००४ मध्ये मिळवला. त्यापूर्वी त्याच्याकडे हा परवाना नव्हता, अशी साक्ष अंधेरी येथील आरटीओ अधिकाऱ्याने गेल्या महिन्यात न्यायालयात दिली होती. त्या पार्श्वभूमीवर सरकारी वकिलांकडून करण्यात आलेली मागणी न्यायालयाने फेटाळली.
मद्यधुंद अवस्थेत बेदरकारपणे गाडी चालवून पदपथावर झोपलेल्यांना चिरडून एकाच्या मृत्यूस, तर चौघांच्या दुखापतीस जबाबदार असल्याच्या आरोपाप्रकरणी सलमानवर सध्या सत्र न्यायालयात नव्याने खटला चालविण्यात येत आहे. २००२ सालच्या या अपघाताशी संबंधित खटल्यात अंधेरी येथील आरटीओ अधिकाऱ्याची साक्ष नोंदविण्यात आली आहे. अपघाताच्या वेळेस सलमानकडे वाहन परवाना होता की नाही हे सिद्ध करण्याच्या दृष्टीने सरकारी पक्षाने या आरटीओ अधिकाऱ्याला साक्षीसाठी पाचारण केले होते. आरटीओ कार्यालयातील नोंदीनुसार सलमानला १७ ऑगस्ट २००४ रोजी वाहन परवाना देण्यात आला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 3, 2015 1:20 am

Web Title: court rejects prosecution plea asking actor salman khan to produce driving licence
टॅग Salman Khan
Next Stories
1 पावसाने सरकारची झोप उडाली
2 व्यवहार, कामगिरी अन् बांधीलकी जपा
3 गडकरी भेटीनंतरही सेनेचा विरोध कायम
Just Now!
X