मुंबई : पाणीपुरीवाल्याला मारहाण केल्याप्रकरणी पश्चिम उपनगरातील भाजपाच्या नगरसेविकेसह अन्य तिघांविरोधात गुन्हा दाखल झाला आहे. नगरसेविकेने पाणीपुरीवाल्याला मारहाण करून त्याच्या दुकानाचे शेड तोडले, असा आरोप तक्रारीत केला आहे. तक्रारदार यांचा पाणीपुरीचा व्यवसाय आहे. ते पाणीपुरीची पार्सलद्वारे विक्री करत असताना त्या ठिकाणी नगरसेविका दाखल झाल्या. त्यांनी शिवीगाळ करून हाताने आणि दुकानातील नळाने मारहाण केली. तसेच त्यांनी अन्य तिघांना बोलवून घेऊन जेसीबीच्या साहाय्याने दुकानाचे शेड पाडले. तसेच दुकानात आलेल्या एका आरोपीने २८ हजार रुपये चोरून नेले, असा आरोप पाणीपुरी विक्रेत्याने केला आहे. दरम्यान या प्रकरणातच नगरसेविकेने काही दिवसांपूवी पाणीपुरी विक्रे त्याच्या विरोधात विनयभंगाची तक्रार दिली होती.
