28 May 2020

News Flash

Coronavirus: मिरा भाईंदरमध्ये करोनाचा पहिला बळी; आज सापडले नवे पाच रुग्ण

त्यामुळे मिरा भाईंदर शहरातील रुग्णांची एकूण संख्या आता २२ झाली आहे

संग्रहित छायाचित्र

मिरा रोड येथील पूजा नगर परिसरात राहणाऱ्या एका ५० वर्षीय करोनाबाधित रुग्णाचा जोगेश्वरी येथील ट्रॉमा केअर रुग्णालयात उपचारादरम्यान मृत्यू झाला आहे. तर शहरात आज एकाच दिवशी पाच नवे रुग्ण आढळून आले आहेत. त्यामुळे मिरा भाईंदर शहरातील रुग्णांची एकूण संख्या आता २२ झाली आहे.

मिरा भाईंदर शहरातील करोनाबाधित रुग्णाच्या संख्येत झपाट्याने वाढ होत असल्याचे आढळून येत आहे. मंगळवारी ५ नवीन रुग्ण समोर आल्याने शहरातील करोनाबाधित रुग्णांची संख्या आता २२ एवढी झाली आहे. दरम्यान, मिरा रोड येथील ५० वर्षीय करोनाबाधित व्यक्तीचा रुग्णालयात उपचार सुरू असताना मृत्यू झाला. हा मिरा भाईंदर शहरातील करोनाचा पहिला बळी ठरला आहे. मंगळवारी आढळून आलेल्या ५ रुग्णांमध्ये ४ पुरूष आणि एका महिलेचा समावेश आहेत. हे रुग्ण गोडदेव, आदर्श शाळा आणि पूजा नगर अशा नव्या परिसरात राहणारे आहेत.

मिरा भाईंदरमध्ये ८७३ नागरिक हे परदेशात आले असून यांपैकी ५५४ नागरिकांना अलगीकरण कक्षात ठेवण्यात आले आहे. तर ३१९ नागरिकांना १४ दिवसांच्या तपासणीनंतर घरी सोडण्यात आले आहे. त्याचप्रकारे ४५० नागरिकांना होम क्वारंटाइन करण्यात आले आहे. तसेच रुग्णाच्या संपर्कात आलेल्या नागरिकांचा तपास सुरु असल्याची माहिती आयुक्त चंद्रकांत डांगे यांनी दिली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 7, 2020 7:52 pm

Web Title: first death of corona virus infected person in mira bhayander five new patients were found today aau 85
टॅग Coronavirus
Next Stories
1 मुंबईत १५० तबलिगींविरोधात गुन्हा; तंबी देऊनही केली नव्हती माहिती उघड
2 उद्धव ठाकरेंनी स्वतः चालवली कार, करोना संकटामुळे चालकाला दिली सुट्टी
3 उद्वव ठाकरेच नाही त्यांचे मित्रही उतरले करोनाविरूद्धच्या लढ्यात
Just Now!
X