आयपीएलवर सट्टा लावणाऱ्या टोळीला मुंबई पोलिसांनी अटक केली.या सट्टेबाजांकडून ९२ मोबाइल फोन, ३० सिमकार्डे १ दूरचित्रवाणी संच आणि एक लॅपटॉप ताब्यात घेण्यात आले आहेत. हे सट्टेबाज पाकिस्तान व दुबई येथील बुकींचा भारतातील बुकींशी संपर्क घडवून आणत होते. लालवाणी मेन्शन, रुम नं. २७, दुसरा माळा येथे रमेश व्यास आणि त्याचे साथीदार सट्टा लावत असल्याची माहिती मुंबई पोलिसांच्या मालमत्ता कक्ष व गुन्हेगारी कक्षाला मिळाली. त्यानुसार धाड टाकली असता रमेश व्यास, पांडुरंग कदम आणि अशोक व्यास हे तिघे रॉयल चॅलेंजर्स बेंगळुरू विरुद्ध किंग्ज इलेव्हन पंजाब या सामन्यावर जुगार खेळून सट्टा लावत असल्याचे आढळले. असे वरिष्ठ पोलीस निरीक्षक पांडुरंग गोपाळे यांनी सांगितले.
