29 November 2020

News Flash

भारती सिंहचा पती हर्ष लिंबाचियाला एनसीबीकडून अटक

भारतीच्या घरातून गांजा जप्त

केंद्रीय अमली पदार्थविरोधी पथकाने (एनसीबी) शनिवारी कॉमेडियन भारती सिंहनंतर तिचा पती हर्ष लिंबाचिया यालासुद्धा अटक केली. भारती सिंहच्या घरात अमली पदार्थ आढळून आल्यानंतर एनसीबीने शनिवारी तिला चौकशीसाठी ताब्यात घेतलं. चौकशीत भारतीने अमली पदार्थांचे सेवन करत असल्याची कबुली दिल्यानंतर एनसीबीने तिला ‘एनपीडीएस’ कायद्यांतर्गत गुन्हा दाखल करून अटक केली. त्यानंतर हर्षलाही अटक करण्यात आली.

एनसीबीने शनिवारी सकाळी खार दांडा परिसरात छापा घातला. कारवाईत अमली पदार्थांचा पुरवठा करणाऱ्या एकाला अटक करण्यात आली. त्याच्याकडून १५ एलएसडी डॉट्स, ४० ग्रॅम गांजा आणि नायट्रोझेपाम औषध आदी अमली पदार्थ एनसीबीने हस्तगत केले होते. त्याच्या चौकशीतून भारतीचे नाव समोर आले.

त्यानंतर अंधेरीतील लोखंडवाला कॉम्प्लेक्समधील भारतीच्या घरी आणि निर्मिती कार्यालयात एनसीबीने छापा घातला. या वेळी ८६.५ गॅम गांजा जप्त करण्यात आला. चौकशीत भारती आणि तिचा पती हर्ष या दोघांनी गांजाचे सेवत करत असल्याचं कबूल केल्याचं एनसीबीकडून सांगण्यात आलं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 22, 2020 8:38 am

Web Title: harsh limbachiyaa husband of comedian bharti singh arrested by ncb ssv 92
Next Stories
1 बेस्टच्या ताफ्यात वाढ!
2 स्पर्धा परीक्षांविषयी आज ऑनलाइन मार्गदर्शन
3 मुंबईच्या रुग्णसंख्येत पुन्हा वाढ
Just Now!
X