News Flash

Kurla Fire : कुर्ल्यात गोदामाला भीषण आग; मोठ्या प्रमाणात वित्तहानीचा अंदाज!

कुर्ल्याच्या गुलाब इस्टेटमध्ये आगीचा भडका!

फोटो सौजन्य - एएनआय

कुर्ल्याच्या गुलाब इस्टेटमध्ये स्पेअर पार्ट्च्या गोदामांना आग लागल्याची घटना घडली आहे. कुर्ल्यातल्या मकसूद गल्लीमधल्या गोदामांना आग लागली आहे. हा परिसर चिंचोळ्या गल्ल्यांचा असल्यामुळे अग्निशमन दलाच्या गाड्यांना घटनास्थळी पोहोचण्यात मोठ्या प्रमाणावर अडचणींचा सामना करावा लागला. सध्या घटनास्थळी अग्निशमन दलाच्या ४ गाड्या पोहोचल्या असून आग विझवण्याचे प्रयत्न अग्निशमन दलाच्या जवानांकडून करण्यात येत आहेत. ही आग नेमकी कशी लागली, याचं कारण अद्याप स्पष्ट होऊ शकलेलं नाही. या आगीमध्ये जीवितहानी झाल्याचं अद्याप वृत्त आलेलं नसलं, तरी आगीचं स्वरूप पाहाता आगीमध्ये मोठ्या प्रमाणावर वित्तहानी झाल्याचा अंदाज स्थानिकांकडून व्यक्त केला जात आहे.

 

दरम्यान, ही आग एकापाठोपाठ आजूबाजूच्या गोदामांमध्ये देखील पसरू लागली आहे. त्यामुळे चिंचोळ्या गल्ल्यांमधून वाट काढून घटनास्थळी पोहोचण्यासोबतच वेगाने पसरणाऱ्या आगीवर नियंत्रण मिळवण्याचं देखील आव्हान अग्निशमन दलासमोर आहे.

“झाडूच्या एका कारखान्याला ही आग लागली आहे. या परिसरात अनेक बेकायदेशीर गोदामं आहेत. याबाबत मी पालिकेकडे अनेकदा तक्रार केली आहे. मात्र, त्यावर कोणतीही कारवाई केली गेली नाही”, अशी माहिती स्थानिक आमदार संजय पोतनीस यांनी दिली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 7, 2021 5:43 pm

Web Title: kurla fire in gulab estate godown fire brigade rushed to the spot pmw 88
टॅग : Mumbai News
Next Stories
1 मोठी बातमी! सचिन वाझेंच्या चौकशीसाठी सीबीआयला परवानगी
2 आमदार गीता जैन यांनी नियमांच उल्लंघन करत केलं दुकानाचं उदघाटन
3 “केंद्रीय आरोग्य सचिव सरकारला करोनाबाबत चुकीचे सल्ले देतायत!” डॉ. सुभाष साळुंखेंचा गंभीर दावा!
Just Now!
X