20 September 2020

News Flash

मेल, एक्स्प्रेस, लोकल तूर्तास स्थगितच

सामान्यांसाठी लोकल बंदच राहणार

१ सप्टेंबरपासून दिल्लीमध्ये १५ दिवसांसाठी प्रायोगिक तत्त्वार मेट्रो सेवा पुन्हा सुरू करण्यास परवानगी देण्याची शक्यता आहे. या काळात मेट्रोच्या एका बोगीमध्ये केवळ ५० व्यक्तींनाच प्रवेश दिला जाणार आहे. यात अत्यावश्यक सेवेतील कर्मचाऱ्यांना परवानगी असणार आहे. मुंबईत यापूर्वीच अत्यावश्यक सेवेती कर्मचाऱ्यांसाठी लोकल सेवा सुरू करण्यात आलेली आहे. मात्र, अत्यावश्यक सेवेतील कर्मचाऱ्यांशिवाय इतरांना अजूनही लोकलमधून प्रवास करण्याची परवानगी देण्यात आलेली नाही. (संग्रहित छायाचित्र/लोकसत्ता)

देशभरातील मेल-एक्स्प्रेस, मुंबई उपगनरीय लोकल सेवा पुढील आदेश येईपर्यंत स्थगित करण्यात आल्याचे मंगळवारी रेल्वे बोर्डाने स्पष्ट केले. अत्यावश्यक कर्मचाऱ्यांसाठी लोकल आणि विशेष रेल्वेगाडय़ा मात्र धावू शकतील. त्यामुळे सामान्यांसाठी लोकल बंदच राहणार आहे.

जून २०२० मध्ये देशभरातील रेल्वे सेवा आणि उपनगरीय लोकल १२ ऑगस्टपर्यंत बंद ठेवण्याचे आदेश होते. ही मुदत संपण्याच्या एक दिवस आधी रेल्वे बोर्डाने नियमित धावणाऱ्या मेल, एक्स्प्रेस, पॅसेंजर गाडय़ा आणि लोकल सेवा पुढील आदेशापर्यंत बंद ठेवण्यात येत असल्याचे आदेश काढले. सध्या देशभरात २३० विशेष रेल्वेगाडय़ा धावत आहेत. याशिवाय मुंबईत अत्यावश्यक सेवेतील कर्मचाऱ्यांसाठीही लोकल सुरु आहेत. राज्य सरकारच्या मागणीनुसार त्या सुरुच राहतील,असे स्पष्ट केले. सोमवारी उत्तर रेल्वे विभागाला दिलेल्या आदेशाची एक प्रत समाजमाध्यमांवर फिरली. यात ३० सप्टेंबपर्यंत लोकल, रेल्वेगाडय़ा बंद राहतील, अशी माहिती होती. परंतु ही प्रत बनावट असल्याचे रेल्वे बोर्डाकडून स्पष्ट करण्यात आले. त्यानंतर मंगळवारी बोर्डाने नव्याने आदेश जारी केले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 12, 2020 12:01 am

Web Title: mail express local tours postponed abn 97
टॅग Coronavirus
Next Stories
1 ‘ती’ मालमत्ता ट्रस्टच्या मालकीची
2 अभिनेता संजय दत्तला फुफ्फुसाचा कॅन्सर, उपचारासाठी परदेशी जाण्याची शक्यता
3 महिला, मुलींच्या सुरक्षेबाबत सरकारला सोयर-सुतक नाही : चित्रा वाघ
Just Now!
X