ठाण्यात रविवारी सकाळी हिरानंदानी ग्रुपतर्फे आयोजित मॅरेथॉन स्पर्धेतील एका उमद्या धावपटूचा मॅरेथॉन स्पर्धा पूर्ण केल्यानंतर मृत्यू झाल्याची दुर्दैवी घटना घडली आहे.
कासारवडवली पोलिसांनी सांगितले, कांदिवली येथे राहणारे सुरेश चेरुशेरा (वय ४७) हे अर्थमॅरेथॉन स्पर्धेत सहभागी होण्यासाठी पत्नीसह ठाण्यात आले होते. सुरेश यांनी अर्धमॅरेथॉन स्पर्धा यशस्वीरीत्या पूर्ण केली. त्यानंतर त्यांना जागेवरच भोवळ येऊन ते खाली पडले.
त्यांना तातडीने त्यांच्या पत्नी, संयोजकांनी जवळच्या खासगी रुग्णालयात दाखल केले. पण तेथे डॉक्टरांनी त्यांना मृत घोषित केले. सुरेश हे व्हॉलीबॉलचे उत्तम खेळाडू होते. ते नियमित त्याचा सराव करीत असत. मॅरेथॉन स्पर्धेसाठीही त्यांनी सराव केला होता, असे समजते.