गँगस्टर रवी पुजारी टोळीच्या आकाश शेट्टी व विलियम रोड्रिक्स यांना मोक्का न्यायलयात हजर केले असता न्यायलयाने त्यांना पाच फेब्रुवारीपर्यंत पोलीस कोठडीत ठेवण्याचे आदेश दिले आहेत. या वर्षातील मोक्का कायद्यातंर्गत झालेली ही पहिली कारवाई आहे. रवी पुजारी टोळीचा सर्वात मोठा खबरी आकाश शेट्टी होता तर विलियम रोड्रिक्स यांला बिल्डरकडून खंडणी मागण्याच्या आरोपात अटक करण्यात आलेली होती. रवी पुजारी याचा विश्वासू दशरथ शिंदे याला दोन वर्षापूर्वीच पोलिसांनी गजाआड केल्यानंतर आकाश शेट्टी रवी पुजारीचा हस्तक आणि खास माणूस झाला. त्याने रवी पुजारी टोळीत खबरी आणि शूटर यांचे जाळे विणले. विलियम याला अटक झाल्यानंतर आकाश शेट्टी घर आणि हॉटेल सोडून परागंदा झाला. मात्र मुंबई गुन्हे शाखेने आकाश शेट्टीला अटक केली. रवी पुजारीशी थेट संपर्क असलेल्या आकाश आणि विलियम यांना मुंबई पोलिसांनी मोक्का लावला. त्यांना न्यायालयात नेले असता ५ फेब्रुवारी पर्यंत पोलीस कोठडीत ठेवण्याचे आदेश न्यायलयाने दिले आहेत.
