जूनमध्ये मान्सून महाराष्ट्रात दाखल झाला. सुरूवातील मुंबईत पावसानं हजेरी लावली, मात्र एका आठवड्यांपासून पाऊस गायब झाला आहे. त्यामुळे मुंबईकरांना मोठ्या पावसाची लागली आहे. मुंबईकरांची ही प्रतिक्षा लवकरच संपण्याची चिन्ह आहेत. पुढील आठवड्यात पाऊस मुंबईत परतणार असून, २ ते ४ जुलै दरम्यान मुसळधार पाऊस कोसळण्याची शक्यता आहे. हवामान विभागानं असा अंदाज व्यक्त केला आहे. हवामान विभागानं दिलेल्या माहितीप्रमाणे, जुलैच्या पहिल्या आठवड्यात मुंबईत पावसाचा जोर वाढणार आहे. विशेषतः ३ ते ५ जुलैच्या दरम्यान मुसळधार पाऊस होईल, असा अंदाज व्यक्त करण्यात आला आहे. सोमवारी काही ठिकाणी पाऊस कोसळण्याची शक्यता आहे. तसेच पुढील चार दिवसात मुंबई व उपनगरात काही भागात हलका ते मध्यम स्वरूपाचा पाऊस पडण्याची शक्यता आहे. हवामान विभागाचे उपसंचालक के.एस. होसळीकर यांनीही ट्विट करून पावसाची माहिती दिली आहे. "मुंबईसह पश्चिम किनारपट्टी व उत्तर कोकण भागात २ जुलैपासून पावसाचा जोर वाढण्याची अंदाज आहे. मुंबई व उपनगरात २ ते ४ जुलै दरम्यान मुसळधार पाऊस पडण्याची शक्यता आहे," असं होसळीकर यांनी म्हटलं आहे. Mumbai Monsoon: As per IMD GFS model guidance rainfall is very likely to increase on west coast of Maharashtra from 2 July onwards including North Konkan and Mumbai. Mumbai & around likely to experience heavy rainfall from 2-4 July. Will update, pl keep watch. pic.twitter.com/XZ9vKtz5cw — K S Hosalikar (@Hosalikar_KS) June 29, 2020 पुणे वेधशाळेनंही आज (२९ जून) गोव्यासह महाराष्ट्रात तुरळक ठिकाणी मुसळधार बरसणार असल्याचा अंदाज व्यक्त केला आहे. मध्य महाराष्ट्र, मराठवाडा आणि विदर्भात तुरळक ठिकाणी मेघगर्जनेसह विजेच्या कडकडाटासह जोरदार पाऊस पडण्याची शक्यता व्यक्त करण्यात आली आहे.