04 July 2020

News Flash

वाढती गर्दी कमी करण्यासाठी रेल्वेच्या विशेष गाडय़ा

दिवाळी निमित्त प्रवाशांची गर्दी वाढत असून प्रतीक्षा यादी कमी करण्यासाठी मध्य आणि पश्चिम रेल्वेने काही विशेष गाडय़ा सोडण्याचे जाहीर केले आहे. पश्चिम रेल्वेने जयपूर आणि

| November 12, 2012 02:09 am

दिवाळी निमित्त प्रवाशांची गर्दी वाढत असून प्रतीक्षा यादी कमी करण्यासाठी मध्य आणि पश्चिम रेल्वेने काही विशेष गाडय़ा सोडण्याचे जाहीर केले आहे. पश्चिम रेल्वेने जयपूर आणि जोधपूर त्याचप्रमाणे अहमदाबादसाठी विशेष गाडय़ा सोडल्या आहेत.
वांद्रे टर्मिनस ते जयपूर दरम्यान विशेष सुपरफास्ट गाडी रविवारी सकाळी सोडण्यात आली. वांद्रे टर्मिनस ते जोधपूरसाठी सोमवारी, १२ नोव्हेंबर रोजी सायंकाळी ७.५० वाजता विशेष गाडी सोडण्यात येणार आहे. जोधपूर येथून १३ नोव्हेंबर रोजी सायंकाळी सुटणारी गाडी वांद्रे टर्मिनस येथे १४ नोव्हेंबर रोजी दुपारी १२.४५ वाजता पोहोचेल.
मुंबई सेंट्रल ते अहमदाबाद दरम्यान १२, १४ आणि १६ नोव्हेंबर रोजी दुपारी १२.३० वाजता विशेष वातानुकूलित सुपरफास्ट गाडी सुटणार आहे. अहमदाबाद येथून याच दिवशी रात्री ८.५५ वाजता ही गाडी मुंबई सेंट्रलकरीता सुटेल आणि मुंबई सेंट्रल येथे पहाटे पाच वाजता पोहोचेल. ही गाडी बोरिवली, सुरत, वडोदरा आणि आणंद येथे थांबणार आहे.
मध्य रेल्वेने नागपूर आणि पुणे दरम्यान दोन गाडय़ा सोडण्याचे जाहीर केले आहे. १६ नोव्हेंबर रोजी ०१०२१ ही गाडी नागपूर येथून सकाळी ११.४० वाजता सुटेल आणि दुसऱ्या दिवशी पहाटे ४.०५ वाजता पोहोचेल.
पुण्याहून पहाटे ५.२० वाजता ०१०२२ ही गाडी नागपूरसाठी सुटेल आणि नागपूरला त्याच दिवशी रात्री १०.१० वाजता पोहोचेल. ही विशेष गाडी वर्धा, बडनेरा, भुसावळ, मनमाड, अहमदनगर आणि दौंड येथे थांबेल.    

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 12, 2012 2:09 am

Web Title: more trains for incresing rush
Next Stories
1 मराठमोळ्याभूमिकेसाठी असिनची हिंदूमातात खरेदी!
2 नेरळ-माथेरान गाडी सुरू
3 बांगलादेशींचा वावर सुरूच! पोलीस कारवाईत ४८ जेरबंद
Just Now!
X