घाटकोपरमधील माणिकलाल परिसरात बांधकाम सुरु असलेल्या इमारतीच्या आवारात चार्टर्ड विमान कोसळल्याची घटना गुरुवारी दुपारी घडली. या दुर्घटनेत पाच जणांचा मृत्यू झाला असून हे विमान यू वाय अॅव्हिएशन या कंपनीचे होते. हे विमान कोसळतानाचे सीसीटीव्ही फुटेज लोकसत्ता.कॉमच्या हाती आले आहे. शेजारी असलेल्या इमारतीत जो सीसीटीव्ही कॅमेरा बसवण्यात आला आहे. त्याच कॅमेरातील सीसीटीव्हीची ही दृश्ये समोर आली आहेत. काही सेकंदांचा हा व्हिडिओ हृदयाचा थरकाप उडवणारा आहे. पाहा व्हिडिओ विमान अपघात झाल्यावर अग्निशमन दल आणि आपातकालीन पथक घटनास्थळी पोहोचले असून घटनास्थळी बचावकार्य सुरु आहे. वैमानिक मारिया झुबेर, सहवैमानिक प्रदीप राजपूत, तंत्रज्ञ सुरभी आणि मनीष पांडे या चार जणांचा मृत्यू झाला. तर पादचारी गोविंद पंडित यांचाही दुर्दैवी अंत झाला. अशात लोकसत्ता. कॉमच्या हाती या घटनेचे सीसीटीव्ही फुटेज आले आहे.
