मुंबईतील ब्रिटिशकालीन इमारतींना युनेस्कोच्या जागतिक वारसा यादीत स्थान मिळाले आहे. मुंबईतील छत्रपती शिवाजी महाराज टर्मिनस या स्टेशन पासून ते गेटवे ऑफ इंडिया पर्यंतच्या अनेक इमारती ब्रिटीशकालीन आहेत. या इमारती आजही आपला दिमाख कायम राखत डौलदारपणे उभ्या आहेत आणि मुंबईच्या सौंदर्यात भर घालत आहेत. आता याच इमारतींपैकी काही इमारतींना युनेक्सोकाच्या जागतिक वारसा यादीत स्थान मिळाले आहे. मुंबईसाठी ही नक्कीच गौरवास्पद बाब ठरली आहे. १९ व्या शतकातील व्हिक्टोरियन संरचना आणि २० व्या शतकातील आर्ट डेको इमारतींचा यात समावेश आहे. शनिवारी बहरिन येथे झालेल्या युनेस्को जागतिक वारसा समितीच्या बैठकीत ही घोषणा करण्यात आली. हेरिटेज परवाना फोर्ट प्रेसिंक्ट आणि मरीन ड्राईव्ह प्रेसिंक्ट या दोहोंमध्ये विभागलेला आहे. गुड न्यूज: मुंबईतील व्हिक्टोरिया व आर्ट डेको एन्सम्बल्स या १९ व्या शतकातील व्हिक्टोरियन निओ गॉथिक आणि आर्ट डेको इमारतींना @UNESCO ने #जागतिकवारसा स्थळांच्या यादीत समाविष्ट केले आहे. #बहरीन येथे सुरू असलेल्या #युनेस्को च्या बैठकीत ही घोषणा करण्यात आली आहे. #WorldHeritage pic.twitter.com/cYBp49OmIO— महाराष्ट्र परिचय केंद्र (@MahaGovtMic) June 30, 2018 मुंबई विद्यापीठ इमारत, जुने सचिवालय, नॅशनल गॅलरी ऑफ मॉडर्न आर्ट, डेव्हिड ससून ग्रंथालय. छत्रपती शिवाजी महाराज वस्तू संग्रहालय, पश्चिम रेल्वे मुख्यालय आणि आर्ट डेकोच्या सार्वजनिक इमारतींचा समावेश आहे. बॅकबे आगारातील स्कीमची पहिली ओळ, क्रिकेट क्लब ऑफ इंडिया राम महाल यांनी दिनशॉ वाचा रोड, इरॉस व रीगलचे सिनेमागृह आणि मरीन ड्राईव्हवरील इमारतींच्या पहिल्या ओळी यासारख्या इमारती या इमारती आहेत. 'टाइम्स ऑफ इंडिया'ने या संदर्भातले वृत्त दिले आहे. फोर्ट प्रेसिंक्ट, मरिन ड्राईव्ह प्रेसिंक्ट म्हणजे काय? प्रेसिंक्ट या शब्दाचा अर्थ होतो परिसर, मुंबईतील ज्या इमारतींना जागतिक वारसा स्थान देण्यात आले आहे त्या वास्तूंची दोन प्रकारात विभागणी होते. एक म्हणजे व्हिक्टोरियन स्थापत्य शैलीच्या इमारती ज्या मुख्यत्त्वे करून मुंबईतील फोर्ट भागात आहेत. तिथे सध्या सरकारी कार्यालये किंवा विद्यापीठ आहे. तर मरिन ड्राइव्ह परिसरातल्या इमारतींचा समावेश हा आर्ट डेको इमारतींमध्ये होतो. या इमारती रहिवासी इमारतींच्या प्रकारांमध्ये येतात. या इमारतींची शैली ठरलेली आहे जी मुंबईतील सध्याच्या बांधकामांपेक्षा निश्चितच वेगळी आहे. त्याचमुळे त्याचा समावेश आर्ट डेको इमारतींमध्ये होतो.